Posted by ഞാൻ സംശയത്തോടെ മഞ്ജുസിനെയും അഞ്ജുവിനെയും നോക്കി .
അഞ്ജു അപ്പോഴേക്കും കഴിപ്പ് തുടങ്ങിയിരുന്നു കൊണ്ട് ഒന്നും പറയാതെ പുഞ്ചിരിച്ചു . പിന്നെ മഞ്ജുസിനെ ഒന്ന് പാളി നോക്കി .
“പിന്നല്ല . ആരേലും കമ്പനിക്ക് ഇല്ലേൽ ചേച്ചിക്ക് വല്യ ബുദ്ധിമുട്ടാണെന്ന് തോന്നുന്നു ..”
അഞ്ജു ചെറിയ ചിരിയോടെ പറഞ്ഞു മഞ്ജുസിനെ കളിയാക്കി .
“നേരാണോ മഞ്ജുസേ ?”
ഞാൻ അവളുടെ അടുത്തേക്ക് നീങ്ങിയിരുന്നുകൊണ്ട് പയ്യെ തിരക്കി .
“പോടാ അവിടന്ന്…അങ്ങനെ ഒന്നും ഇല്ല ”
മഞ്ജു കട്ടായം പറഞ്ഞു അഞ്ജുവിനെ നോക്കി കണ്ണുരുട്ടി .
“എന്റമ്മോ…ഇങ്ങനെ നുണ പറയാനും ഒരു റേഞ്ച് ഒകെ വേണം ചേച്ചി . കണ്ണേട്ടാ , നീ വരുന്നെന്റെ തലേന്ന് തന്നെ ഒരു മുട്ടൻ അടി കഴിഞ്ഞേ ഉള്ളൂ . സ്വസ്ഥം ആയിട്ട് ഹിന്ദി സീരിയലും കണ്ടോണ്ടിരുന്ന എന്റെ അടുത്ത് വന്നേച്ചു ടോം ആൻഡ് ജെറി ഇട്ടു കൊടുക്കാൻ ….ഓഹ്‌ ടോം ആൻഡ് ജെറി കാണാൻ പറ്റിയ ഒരു പൈതല് ..”
മഞ്ജുസിനെ കളിയാക്കികൊണ്ട് അഞ്ജു കുലുങ്ങിചിരിച്ചു .
“അയ്യേ..എന്നിട്ട് ?”
ഞാൻ മഞ്ജുസിനെ നോക്കി . അവളാണേൽ അങ്ങനെ ഒന്ന് സംഭവിച്ചിട്ടില്ല എന്ന മട്ടിൽ ഒരുവശത്തേക്കു തലയും ചെരിച്ചു ചിരിയടക്കി ഇരിക്കുന്നുണ്ട് .
“എന്നിട്ട് എന്താ .ഒടുക്കം റീമോർട്ടിന് വേണ്ടി അടി ആയി . അമ്മ ഇല്ലാത്ത ടൈം ആയതു ഭാഗ്യം . ഇല്ലേൽ വല്ലതും കേട്ടേനെ . ഒടുക്കം അത് എറിഞ്ഞു പൊട്ടിച്ചു , ടി.വി യും ഓഫ് ചെയ്തപ്പോ ഒരാൾക്ക് സമാധാനം ആയി . എന്നിട് അമ്മ വന്നു ചോദിച്ചപ്പോൾ എല്ലാം കുറ്റവും എന്റെ പെരടിക്കിട്ടു ആള് മുങ്ങി..”
അഞ്ജു സ്വല്പം ദേഷ്യത്തോടെ പറഞ്ഞു മഞ്ജുസിനെ നോക്കി .
അവൾ എല്ലാം കേട്ട് ചിരിയടക്കി ഇരിപ്പുണ്ട് .
“അതിപ്പോ നിനക്ക് ഞാൻ പറഞ്ഞത് അങ്ങ് കേട്ടാൽ പോരെ. എനിക്കപ്പോ അത് കാണാൻ ആയിരുന്നു മൂഡ് ”
അതൊക്കെ നിസാര സംഭവം എന്ന മട്ടിൽ മഞ്ജുസ് പറഞ്ഞു , അഞ്ജുവിനെ നോക്കി കണ്ണുരുട്ടി .
“ഓ പിന്നെ . നാണമില്ലല്ലോ പോത്ത് പോലെ വളർന്നിട്ട് ടോം ആൻഡ് ജെറിയും കണ്ടു നടക്കാൻ ”
അഞ്ജു വായിലുള്ളത് ചവച്ചുകൊണ്ട് തന്നെ അതിനു മറുപടിയും നൽകി .
“ആഹ്..ഇല്ലെന്നു വെച്ചോ …ഞാൻ മൈൻഡ് റിലാക്സ് ആകാൻ അതൊക്കെയാ കാണുന്നത് . അല്ലാണ്ടെ നിങ്ങളെ പോലെ അല്ല ..”
മഞ്ജു കട്ടായം പറഞ്ഞു ഗമയിൽ ഞെളിഞ്ഞിരുന്നു .
“മതി മതി …ഓരോ തീട്ടകേസ് …”
ഞാൻ ആരോടെന്നില്ലാത്ത പറഞ്ഞു അവരുടെ സംസാരം നിർത്താൻ പറഞ്ഞു .
“ഓ എനിക്ക് അല്ലേലും ഇത് പറയാൻ വല്യ താല്പര്യം ഒന്നുമില്ല . പിന്നെ പറയിപ്പിയ്ക്കാൻ ആയിട്ട് ഒരാള് ഒരുമ്പെട്ട് നടക്കുന്നുണ്ട് ..”
അഞ്ജു അർഥം വെച്ച് പറഞ്ഞുകൊണ്ട് തന്നെ മഞ്ജുസിനെ ഇടം കണ്ണിട്ട് നോക്കി .
അതോടെ മഞ്ജുസ് എന്നെയൊന്നു പാളിനോക്കി . ഇനി അവളായിട്ട് വല്ലതും പറഞ്ഞാൽ ഞാൻ എന്തേലും തിരിച്ചു അവളെ പറഞ്ഞാലോ എന്നുള്ള പേടിയും കക്ഷിക്ക്‌ ഉണ്ട് .