Posted by വല്ലതും വാങ്ങി കഴിക്കുന്നത് . ഇപ്പോൾ മഞ്ജുസും അവൾക്ക് ആവശ്യത്തിൽ കൂടുതൽ പൈസ പോക്കറ്റ് മണി ആയി കൊടുക്കുന്നുണ്ട് . അതുകൊണ്ട് കോളേജിലെ കാര്യം ഒകെ കുശാൽ ആണ് !
“തിന്നാൻ വല്ലോം ഉണ്ടോ ഇവിടെ ?”
അഞ്ജു ഡൈനിങ് ടേബിളിനടുത്തേക്ക് നടക്കുന്നതിനിടെ മഞ്ജു കേൾക്കാനായി ഉറക്കെ വിളിച്ചു ചോദിച്ചു .
“പോയി നോക്ക് പെണ്ണെ ..നിന്റെ മുൻപിൽ അല്ലെ ഇരിക്കുന്നെ ..”
അഞ്ജുവിന്റെ ശരത്തിനു അതെ ഭാഷയിൽ മറുപടി നൽകി മഞ്ജു അവളെ ചെരിഞ്ഞു നോക്കി .
“ഓ ..ഇന്ന് സ്വന്തം വക ആണോ ? എന്നാൽ പെട്ടത് തന്നെ ..”
അഞ്ജു ഉരുളക്കുപ്പേരി പോലെ കിട്ടിയ ഗയയിൽ മഞ്ജുസിനിട്ടു ശരിക്കൊന്നു താങ്ങി . ഏതോ ദിവസം അവളൊരു പാചക പരീക്ഷണം നടത്തി പരീക്ഷിച്ചത് അഞ്ജുവിന്റെ മേൽ ആണ് . അന്ന് അവൾക്ക് എന്തോ വയറുവേദനയും ലൂസ്‌മോഷനും ആയി ആകെ ജഗപൊക ആയിരുന്നു . അതിനു ശേഷം മഞ്ജുസിന്റെ സ്വയം പാചക വൈദഗ്ധ്യം ചൂണ്ടി കാണിച്ചു കളിയാക്കിയില്ലെങ്കിൽ എന്റെ പെങ്ങൾക്ക് ഉറക്കം കിട്ടില്ല .
അഞ്ജുവിന്റെ കുടുക്കാൻ റിപ്ലൈ കേട്ട് ഞാനും അറിയാതെ ഒന്ന് ചിരിച്ചു . പക്ഷെ എന്റെ ഭാര്യക്ക് അത് പിടിക്കില്ലെന്ന് അവളുടെ നോട്ടവും എന്നെ നോക്കിയുള്ള പല്ലിറുമ്മലും കണ്ടപ്പോ എനിക്ക് വ്യക്തമായി .അപ്പോഴേക്കും അഞ്ജു ടേബിളിനടുത്തെത്തി പാത്രങ്ങളൊക്കെ തുറന്നു നോക്കുന്ന തിരക്കിലായിരുന്നു .
“ഓ..പറയുന്നത് കേട്ടാൽ തോന്നും , അവള് സ്വന്തം ആയിട്ടാണ് വെച്ചു കഴിക്കുന്നതെന്ന്..”
അഞ്ജു ഡൈനിങ് ടേബിളിലെ പാത്രങ്ങളൊക്കെ തുറന്നു നോക്കുന്നത് കണ്ട മഞ്ജു നേരത്തെ പറഞ്ഞ കൗണ്ടറിനു മറുപടിയെന്നോണം വെച്ചുകാച്ചി .
“ആഹ്…പറയുന്ന ആളും പിന്നെ വല്യ പുള്ളിയായതോണ്ട് കുഴപ്പം ഇല്ല ”
അഞ്ജുവും വിട്ടില്ല. ഒരു പ്ളേറ്റിലേക്ക് അവൾക്കു ആവശ്യമുള്ളതെടുത്തിട്ട് അവളും തിരിച്ചു പറഞ്ഞു .
“വല്ല കാര്യവും ഉണ്ടോ ?”
ഞാൻ മഞ്ജുസിന്റെ ചമ്മിയ മുഖം നോക്കി ചിരിയോടെ തിരക്കി .
“പോടാ…”
മഞ്ജു എന്നെ നോക്കി ചിരിച്ചുകൊണ്ട് പല്ലിറുമ്മി .
“എടി എടി അഞ്ജു ..മതി നിർത്തിക്കോ..ആവശ്യത്തിനായി ..”
അവരുടെ വഴക്ക് ഇനിയും തുടർന്ന് പോകണ്ട എന്ന് കരുതി ഞാനും ഇടയ്ക്കു കയറി .
“അത് അടുത്തിരിക്കുന്ന ടീച്ചറോടും കൂടി പറ . ഇതെവിടുത്തെ ടീച്ചർ ആണോ എന്തോ ! പിള്ളേരെക്കാൾ കഷ്ടം ആണ് മോനെ . നീയൊക്കെ വഴക്കിടുന്നതിന്റെ ഗുട്ടൻസ് ഇപ്പോഴല്ലേ പിടികിട്ടിയത് .”
മഞ്ജുസിന്റെ സ്വഭാവം ശരിക്കു മനസിലാക്കിയ പോലെ അഞ്ജു ഒന്നുടെ താങ്ങി .
“അപ്പൊ നിങ്ങള് ഞാനില്ലാത്തപ്പോ ഫുൾ അടി ആണോ ?”