Posted by മീരക്ക് ഞാൻ ആ വിഷയത്തെ പറ്റി കുത്തികുത്തി ചോദിക്കുന്നതിൽ എന്തോ അത്ര താല്പര്യമുള്ള പോലെ എനിക്ക് തോന്നിയില്ല. അവൾ ഒരു നിമിഷം എന്തോ ആലോചിച്ചിരുന്നു പിന്നെ പയ്യെ പറഞ്ഞു തുടങ്ങി . പക്ഷെ ആ പറഞ്ഞത് കേട്ട് ഞാനൊന്നു അമ്പരന്നു എന്നത് സത്യം .
“അറിയാം…മഞ്ജുവിനേക്കാൾ നന്നായിട്ട് അറിയാം..because ഹി വാസ് മൈ ബ്രദർ ”
മീര ഒരു പതിഞ്ഞ സ്വരത്തിൽ പറഞ്ഞു സോഫയിലേക്ക് ചാരിയിരുന്നു മുടിയിഴകൾ പുറകിലേക്ക് കോതിയിട്ടു!
ആ മറുപടി കേട്ട് ഞാനും ഒന്നമ്പരന്നു !
“ഏഹ്..സത്യമാണോ ?”
ഞാൻ ളന്നുമിഴിച്ചു കൊണ്ട് ചോദിച്ചതും . മഞ്ജുസ് കുളിയൊക്കെ കഴിഞ്ഞു വസ്ത്രം മാറി പുറത്തിറങ്ങിയതും ഒപ്പം ആയിരുന്നു .
“ആഹാ..നിങ്ങള് ഇത്ര പെട്ടെന്ന് കമ്പനി ആയോ ?”
ഞങ്ങൾ പരസപരം അടുത്തിരുന്നു സംസാരിക്കുന്നത് കണ്ടു മഞ്ജു സ്വല്പം ഉറക്കെ വിളിച്ചു ചോദിച്ചു . ആ ശബ്ദം കേട്ടപ്പോഴാണ് ഞാനും മീരയും ഒരുപോലെ ഞെട്ടിക്കൊണ്ട് പുറകിലേക്ക് തിരിഞ്ഞു നോക്കിയത് .
കുളിയൊക്കെ കഴിഞ്ഞു ഒരു ഇളംനീല നൈറ്റിയാണ് ധരിച്ചിരിക്കുന്നത് . മുടിയിഴ ഇടം തോളിലൂടെ മുൻപിലേക്കിട്ടു ടവൽ കൊണ്ട് തുവർത്തി അവൾ ഞാങ്ങൾക്കടുത്തേക്ക് നടന്നടുത്തു . അതോടെ സംസാരിച്ചിരുന്ന വിഷയം ഞാനും മീരയും പെട്ടെന്ന് അവസാനിപ്പിച്ചു !
“ആഹ്..ഞങ്ങള് ചുമ്മാ ഓരോന്ന് മിണ്ടിയും പറഞ്ഞും ഇരിപ്പായിരുന്നു ”
മീര എന്നെ നോക്കി കണ്ണിറുക്കി പയ്യെ പറന്നു .
“ആഹ്…നന്നായി ”
മഞ്ജുസ് ആരോടെന്നില്ലാതെ പറഞ്ഞു ഞങ്ങൾക്കടുത്തേക്കു വന്നിരുന്നു . സോഫയിൽ ഇരിക്കാതെ അടുത്ത് കിടന്ന കസേരയിലായാണ് മഞ്ജു ഇരുന്നത് .
“മ്മ്..എന്നെ കുറിച്ചാവും അല്ലെ സംസാരിച്ചത് ”
ഞങ്ങളുടെ പരുങ്ങൽ കണ്ടു മഞ്ജുസ് കസേരയിൽ ഇരുന്നു ചിരിച്ചു . പിന്നെ മുടിയിഴ ടവൽ കൊണ്ട് ഉരച്ചു തുവർത്തി .
“ആഹ്…ഞാൻ ആ വിനീത് മാഷിന്റെ കാര്യം പറയുവായിരുന്നു..”
മീര ഒന്നാക്കിയ പോലെ പറഞ്ഞതും മഞ്ജുസ് തല തുവർത്തൽ നിർത്തി . പിന്നെ ദേഷ്യത്തോടെ മീരയെ ഒന്ന് നോക്കി ദഹിപ്പിച്ചു. ശേഷം തല തുവർത്തിയിരുന്ന ടവൽ ചുരുട്ടികൊണ്ട് മീരക്ക് നേരെ എറിഞ്ഞു !അത് കൃത്യം മീരയുടെ മടിയിൽ ചെന്ന് വീണു !
“പാ ..എന്ത് നാറിയാടീ നീ . എന്നെ നാറ്റിച്ചു മതിയായില്ലേ നിനക്ക് ”
മഞ്ജു പല്ലിറുമ്മി ചീറ്റി . മീര അത് കേട്ട് ചിരിച്ചു ആ ടവൽ കൈകൊണ്ടെടുത്തു പിടിച്ചു മഞ്ജുവിന്റെ നേരെ തന്നെ നീട്ടി .