Posted by “അവളോ ? അവള് പാവം ആണ് മോളെ..വെറുതെ ഈ കേസില് അതിനെ വലിച്ചിടേണ്ട , ഞാൻ അവളെ ഇഷ്ടപ്പെട്ടിരുന്നു എന്ന് അതിനു പോലും അറിയാൻ വഴിയില്ല..”
ഞാൻ ഒഴുക്കൻ മട്ടിൽ പറഞ്ഞു നിർത്തി.
“ഓഹ് ..അപ്പൊ ഞാൻ ദുഷ്ട ആണോ ?”
ഞാൻ പറഞ്ഞത് കേട്ടു മഞ്ജുസ് ചിരിയോടെ എന്നെ നോക്കി .
“അല്ലല്ലോ..നീ എന്റെ മുത്തല്ലേ …എന്റെ മഞ്ജുസ് അല്ലെ..”
ഞാനവളുടെ ഇരു കവിളിലും കൈചേർത്തു ചിണുങ്ങിക്കൊണ്ട് പറഞ്ഞു..പിന്നെ അവളുടെ നെറ്റിയിൽ പയ്യെ ചുംബിച്ചു .
“എന്തൊക്കെ കാണണം ഈശ്വര ..’
എന്റെ പതിവില്ലാത്ത സ്നേഹം കണ്ടെന്നോണം മഞ്ജു ആരോടെന്നിലല്ലാതെ പറഞ്ഞു .
“ഒന്ന് പോ കിളവി …”
ഞാൻ അവളുടെ സംസാരം കേട്ടു കളിയാക്കി .
“ഡാ ഡാ..എന്നെ അങ്ങനെ വിളിച്ചാൽ ഉണ്ടല്ലോ ?”
പൊടുന്നനെ അവളുടെ വിധം മാറി..
“എന്താ വിളിച്ചാ..എന്നേക്കാൾ എട്ടുവയസ് കൂടുതലുള്ള നീ പിന്നെ പെൺകൊച്ചു ആണോ ?”
ഞാൻ അവളെ ചൊറിഞ്ഞു തുടങ്ങി .
“പോടാ…ഇന്ന് രണ്ടുപേര് കുറച്ചു പൊക്കിയടിച്ചെന്നു വെച്ച് നെഗളിക്കല്ലേ മോനെ ..”
മഞ്ജുസ് എന്റെ ചാട്ടം കണ്ടു ഗൗരവത്തിൽ പറഞ്ഞു .ഇപ്പോൾ ആ പഴയ മിസ്സിന്റെ ആറ്റിട്യൂട് കുറേശെ ആയി അവളിൽ വന്നു തുടങ്ങിയിട്ടുണ്ട് . ചൂടാവുമ്പോൾ മാത്രം അവൾക്ക് വല്ലാത്തൊരു സ്റ്റൈൽ ആണ് .
“എന്താ നെഗളിച്ചാൽ ..?”
ഞാൻ ചിരിയോടെ അവളെ നോക്കി .
“ഇടിച്ചു മോന്ത ഞാൻ പൊളിക്കും ചെക്കാ ..നിനക്കെന്നെ ശരിക്കു അറിയാന്മേല ”
മഞ്ജുസ് എന്റെ കവിളിൽ പയ്യെ തഴുകി പല്ലിറുമ്മി .
“ഓഹ് പിന്നെ..’
ഞാൻ പുച്ഛ സ്വരത്തിൽ അവളെ നോക്കി .
“ഒരു പിന്നേം ഇല്ല ..നീ എന്റെ കെട്ട്യോന് ആയി പോയി ..അല്ലെങ്കിൽ ഉണ്ടല്ലോ മോനെ..”
മഞ്ജുസ് പറഞ്ഞു നിർത്തി കണ്ണുരുട്ടി .
“ഓഹ് നീ എന്ന കാണിക്കും എന്ന ? നീ ശരിക്കും ആൺപിള്ളേരെ തല്ലിയിട്ടുണ്ടോ അതിനു ?”
അവളുടെ ഈ കരാട്ടെ ഡയലോഗ് കേട്ടു മടുത്തിട്ടെന്നോണം ഞാൻ സംശയത്തോടെ ചോദിച്ചു .