Posted by ഞാൻ പയ്യെ പറഞ്ഞു .
അതുകേട്ടപ്പോഴുള്ള അവളുടെ റിയാക്ഷൻ എന്തായിരുന്നു എന്നെനിക് കാണാൻ പറ്റിയില്ലേലും പിന്നീടുള്ള ചോദ്യങ്ങൾ മയപ്പെടുന്നുണ്ട് .
“അതെന്താ കഴിക്കാഞ്ഞേ ?”
അവൾ മടിച്ചു മടിച്ചു ചോദിച്ചു .
“ഓഹ് വേണ്ട..വിശപ്പില്ല ..”
ഞാൻ ഒഴുക്കൻ മട്ടിൽ പറഞ്ഞു .
“അതെന്താ വിശപ്പില്ലാത്തെ?”
അവൾ വീണ്ടും ചോദിച്ചു .
“വിശപ്പ് ഇല്ല അത് തന്നെ..നീ ആ ലൈറ്റ് അണക്കുന്നുണ്ടോ..എനിക്ക് ഉറങ്ങണം ”
ഞാൻ സ്വല്പം ഗൗരവത്തിൽ പറഞ്ഞു .
“കവി നീ എന്നോടുള്ള ദേഷ്യം ആഹാരത്തോടു കാണിക്കണ്ട ട്ടോ ..പോയി കഴിച്ചിട്ട് വന്നേ ..ഞാൻ ടേബിളിൽ ഒക്കെ എടുത്തുവെച്ചിട്ടുണ്ട് ”
മഞ്ജുസ് സ്വല്പം മാന്യമായി പയ്യെ പറഞ്ഞു എന്നെ തട്ടിവിളിച്ചു .
“ഓഹ് …ബാക്കിയുള്ളോരേ ബോധിപ്പിക്കണമല്ലോ അല്ലെ..”
ഞാൻ പുച്ഛത്തോടെ പറഞ്ഞു തലയിണയിൽ മുഖം പൂഴ്ത്തി കമിഴ്ന്നു കിടന്നു .
അത് കേട്ടപ്പോൾ അവൾക്ക് ലേശം വിഷമമായി .
“കവി …ഡാ ..നീ പോയി കഴിക്ക്..അല്ലെങ്കി ഞാൻ കൂടെ വരാം ..വാ ”
അവളെന്നെ കുലുക്കി വലിച്ചുകൊണ്ട് ചിണുങ്ങി .
“ഓഹ് വേണ്ടെന്നേ …നേരത്തെ കഴിക്കുമ്പോ ഓർത്തില്ലല്ലോ ഇതൊന്നും..ഒരഞ്ചു മിനുത്ത വൈറ്റ് ചെയ്താ നിനക്കെന്താ നഷ്ടം ”
ഞാൻ ഉള്ളിലെ ദേഷ്യം അതുപോലെ പ്രകടിപ്പിച്ചു .
അതിനു മഞ്ജുസ് ഒന്നും മറുപടി പറഞ്ഞില്ല. രണ്ടു ഭാഗത്തും ചെറിയ പ്രേശ്നങ്ങളൊക്കെ ഉണ്ടെന്നു അതോടെ അവൾക്കും മനസിലായി തുടങ്ങി .
“കവി…പ്ലീസ് ..ഫുഡ് കഴിക്ക് എന്നിട്ട് എന്ത് വേണേൽ പറഞ്ഞോ ”
അവൾ വിഷമത്തോടെ എന്നെ കുലുക്കി വിളിച്ചു .
“ദേ എനിക്ക് വേണ്ടെന്നു ഞാൻ പറഞ്ഞു..ഒരുനേരം തിന്നില്ലെന്നു വെച്ചു ചാവാത്തൊന്നും ഇല്ല ..ഇനിയും കിടന്നു ചിലച്ചാ ഞാൻ ഇറങ്ങിപോകും കേട്ടല്ലോ “
ഞാൻ ൿടുപ്പിച്ചു പറഞ്ഞു ദേഷ്യത്തോടെ ലൈറ്റ് അണച്ചുകൊണ്ട് പുതപ്പു വലിച്ചു കയറ്റി . അതോടെ മഞ്ജുസ് എന്ത് ചെയ്യണം എന്നറിയാതെ കുഴങ്ങി
“ഇത് വല്യ എടങ്ങേറായല്ലൊ ഈശ്വര …”
അവൾ സ്വയം ആരോടെന്നില്ലാതെ പറഞ്ഞു ചിണുങ്ങി ബെഡിലേക്ക് കിടന്നു .
അങ്ങനെ അന്നത്തെ ദിവസം അവളോടുള്ള വാശിക്ക് ഞാൻ രാത്രി അത്താഴം കഴിക്കാതെ ആണ് കിടന്നത് . ഇടക്കിടെ അവൾ എന്നെ മുഖമുയർത്തി നോക്കും . പക്ഷെ ചോദിയ്ക്കാൻ പേടിയാണ് ! വിശപ്പൊക്കെ ഉണ്ടെങ്കിലും അവളോട് കീഴടങ്ങുക നാണക്കേടാണ് . അതുകൊണ്ട് ഞാനും സഹിച്ചു കിടന്നു .