Posted by അതോടെ എന്റെ കയ്യിലെ പിച്ചലിന്റെ വേദനയും കൂടി .
“പോടാ ..തെണ്ടിത്തരം കാണിച്ചിട്ട് ന്യായം പറയുന്നോ..അതെങ്ങാനും ലീക് ആയാൽ ഉള്ള അവസ്ഥ എന്താ ”
മഞ്ജു നാട്ടിൽ നടക്കുന്ന കാര്യങ്ങളൊക്കെ ഓർത്തു സ്വല്പം ഭയത്തോടെ പറഞ്ഞു .
“എല്ലാരും കാണട്ടെ ..കാണാൻ കൊള്ളാവുന്ന പെൺപിള്ളേരല്ലേ ”
ഞാൻ അവളെ ഒന്ന് ആക്കികൊണ്ട് പറഞ്ഞു .
“കവി..എനിക്ക് ദേഷ്യം വരുന്നുണ്ട് ട്ടോ..”
അവൾ എന്റെ മുൻപിൽ നിന്നു നിലത്തു ചവിട്ടി നൃത്തം വെച്ചുകൊണ്ട് ചിണുങ്ങി .
ഞാൻ പെട്ടെന്ന് അവളെ ചേർത്ത് പിടിച്ചുകൊണ്ട് മുന്നോട്ടു നടന്നു .
“എടി മഞ്ജു വാര്യരെ ഞാൻ ചുമ്മാ പറഞ്ഞതാ ..നീ ഇങ്ങനെ ചൂടാവല്ലേ ..പിന്നെ ശരിക്കു ഒരെണ്ണം എടുത്താൽ കൊള്ളാം എന്നുണ്ട് കേട്ടോ ”
ഞാൻ പയ്യെ പറഞ്ഞു അവളെ നോക്കി .
“ആഹ്…നീ ഇങ്ങു വാ..ഞാൻ എടുത്തു തരാം ”
മഞ്ജു എന്നെ നോക്കി കണ്ണുരുട്ടി പറഞ്ഞു .
“ആഹ്..അത് കേട്ട മതി ..”
ഞാൻ ചിരിയോടെ പറഞ്ഞു അവളെ ചേർത്ത് പിടിച്ചു കാഴ്ചകളിലേക്ക് നീങ്ങി . അവിടെ കുറച്ചു സമയം ചിലവഴിച്ച ശേഷം ഞങ്ങൾ പുറത്തിറങ്ങി . പിന്നെ കുറെ ചോക്ലേറ്റ്സും കണകുണാ സാധനങ്ങളുമൊക്കെ ആയി മഞ്ജുസിന്റെ വക ചെറിയൊരു ഷോപ്പിംഗ് .
പൂച്ച കുട്ടിയെ വാങ്ങണം എന്നൊക്കെ പറഞ്ഞെങ്കിലും ലാസ്റ്റ് മിനുട്ടിൽ വേണ്ടെന്നു വെച്ചു. ഇനിയിപ്പോ ഒരു പെറ്റ് ആണ് ആവശ്യമെങ്കിൽ നാട്ടിന്നു നല്ലൊരെണ്ണത്തിനെ വാങ്ങാമെന്നു ഞാൻ പറഞ്ഞതോടെ കക്ഷി ആ മോഹം ഉപേക്ഷിച്ചു .
പിന്നെ തിരിച്ചു പോകും വാഴ വഴിയരികിൽ ഒരു ചെറിയ കുട്ടി കാരറ്റ് വിൽക്കുന്നത് കണ്ടു മഞ്ജുസ് അവിടെ വണ്ടിനിർത്തി . ആവശ്യമില്ലാഞ്ഞിട്ടും പാവം തോന്നി അവൾ പത്തിരുനൂറ്‌ രൂപക്ക് കാരറ്റ് വാങ്ങി . സാമാന്യം വളരെ കൂടുതൽ ഉണ്ടായിരുന്നത്.
ഞാൻ ഇറങ്ങി ചെന്ന് വിലപേശിയപ്പോൾ മഞ്ജുസ് ചൂടായി .
“പോടാ….ആ കുട്ടിയോട് വിലപേശാൻ നാണമില്ലല്ലോ ..”
എന്ന് മാത്രം പറഞ്ഞു ഉള്ള കാശൊക്കെ അതിനു എടുത്തു കൊടുത്തു . കോളടിച്ച മട്ടിൽ അതെന്നെയും അവളെയും സന്തോഷത്തോടെ മാറി മാറി നോക്കി തൊഴുന്നുണ്ടായിരുന്നു . മങ്കി കാപ് ഒക്കെ അണിഞ്ഞു നല്ല സുന്ദരിയായ ഒരു കറുമ്പി കുഞ്ഞു ! നല്ല ചന്തമൊക്കെ ഉണ്ട് കാണാൻ. അതിന്റെ അമ്മ തൊട്ടപ്പുറത്തു ചോളവും കാപ്പിയുമൊക്കെ വിൽക്കുന്നുണ്ട് .
പിന്നെ അതിനോട് യാത്ര പറഞ്ഞു ഞങ്ങളിറങ്ങി . മഞ്ജുസിനു പൈസ ഉള്ളതുകൊണ്ട് ഇങ്ങനെ ഉള്ളവരെ ഒകെ സഹായിക്കാം..നമ്മുടെ കാര്യം അങ്ങനെ ആണോ ! അങ്ങനെ ഓരോന്നൊക്കെ ആലോചിച്ചിരുന്നു കാറിൽ കയറി..മഞ്ജുവാണ് ഡ്രൈവർ !സാമാന്യം നല്ല സ്പീഡിൽ ആണ് അവൾ വണ്ടി ഓടിച്ചത് . ചുരം ആയിട്ടും അവൾക്ക് പേടിയൊന്നുമില്ല. നല്ല എക്സ്പെർറ്റ് ഡ്രൈവർ ആണ് .