അഞ്ജു എന്നെ മുഖം ഉയർത്തി നോക്കി വല്യ താല്പര്യമില്ലാത്ത പോലെ മൊഴിഞ്ഞു .
“മ്മ്…നിനക്ക് പോവാറായില്ലേ ?”
ഞാൻ അവളുടെ നോട്ടം അത്ര ഇഷ്ടമാകാത്ത പോലെ ഭാവിച്ചു ഗൗരവത്തിൽ തിരക്കി .
“ഞാൻ സമയം ആകുമ്പോ പോക്കൊള്ളാം ..ഇയാള് സ്വന്തം കാര്യം നോക്കിയാ മതി..”
അഞ്ജു എന്റെ ഗൗരവം ഇഷ്ടപെടാത്ത പോലെ പറഞ്ഞു പേപ്പർ മടക്കി കസേരയിലേക്കിട്ടു തിണ്ണയിൽ നിന്നും എഴുനേറ്റു .
“ഞാൻ കൊണ്ട് വിടണോ ?”
അവളുടെ ദേഷ്യം കണ്ടു ഞാൻ ചിരിയോടെ തിരക്കി .
“അയ്യോ വേണ്ടായേ ..”
അവളെന്നെ നോക്കി തൊഴുതു അകത്തേക്ക് കടന്നു . അപ്പോഴേക്കും മഞ്ജുസ് അടുക്കളയിൽ നിന്നും കിച്ചണിലേക്കെത്തി . ഒരു ഇളം നീല നൈറ്റിയാണ് അവളുടെ വേഷം . അയഞ്ഞ ടൈപ്പ് ആണ് .! കഴിക്കാനുള്ള ഫുഡ് ഒക്കെ എടുത്താണ് വരവ് .
“അഞ്ജു നീ കഴിച്ചില്ലല്ലോ ..വാടി”
ഡൈനിങ് ടേബിളിൽ ഫുഡ് ഒക്കെ കൊണ്ട് വെച്ച മഞ്ജുസ് അവളോടായി വിളിച്ചു പറഞ്ഞു. അവള് മുടിയൊക്കെ ചീകാനായി സ്വന്തം റൂമിലേക്ക് പോയതാണ് .
“ആഹ്..ധ അവരുന്നു ചേച്ചി…”
അവൾ അകത്തു നിന്നും വിളിച്ചു പറഞ്ഞു .
“നീ ഇരിക്കെടാ …”
മഞ്ജു പഴയ ഫ്ളോവിൽ പറഞ്ഞു എന്നെ നോക്കിയതും ഞാൻ ഒന്ന് കണ്ണുരുട്ടി.
“സ്സ്….സോറി ..കവി ഇരിക്ക് ..”
അവൾ എരിവ് വളിച്ച പോലെ ഭാവിച്ചു ചിരിച്ചു ..പിന്നെ തെറ്റ് തിരുത്തികൊണ്ട് പറഞ്ഞു . എത്ര ആയാലും ഇടക്ക് അവൾക്ക് എടാ ..പോടാ..എന്നൊക്കെ കേറിവരും .
ഞാൻ പുഞ്ചിരിയോടെ ഇരുന്നു . മഞ്ജുസ് തന്നെ എനിക്ക് വിളമ്പി . അപ്പവും മുട്ടക്കറിയും ആയിരുന്നു . അവള് തന്നെയാണ് ഉണ്ടാക്കിയത് .
“മഞ്ജുസ് കഴിച്ചോ ?”
ഞാൻ കറിയൊക്കെ പകർന്നു കഴിക്കാനായി തുനിഞ്ഞുകൊണ്ട് അവളെ നോക്കി .
എന്റെ അടുത്ത് അഞ്ജുവിനെയും കാത്തു നിൽക്കുകയാണ് കക്ഷി .
“ഇല്ല..അഞ്ജു വരട്ടെ ”
മഞ്ജു പയ്യെ പറഞ്ഞു അവളെ ഒന്നുടെ വിളിച്ചു ..
“അഞ്ജു നീ വരുന്നുണ്ടോ ..”
മഞ്ജു സ്വല്പം ഉറക്കെ അവളെ നീട്ടിവിളിച്ചു .