Posted by പക്ഷെ മഞ്ജുസ് അത് ശ്രദ്ധിയ്ക്കാത്ത പോലെ ഭാവിച്ചു പെൺകുട്ടികളോട് സംസാരിക്കുകയാണ് . മായേച്ചി ഇടയ്ക്കു എന്നെ തിരിഞ്ഞു നോക്കുന്നുമുണ്ട് . ഞാൻ അവളേ നോക്കി ചിരിച്ചു കാണിക്കുമ്പോഴും മഞ്ജുസിന്റെ മുടിയിഴകൾ എന്നെ ശല്യം ചെയ്യുന്നുണ്ട് ..
ഒരു സമയം , മായേച്ചി നോക്കിയാ നേരത്തു മഞ്ജുസിന്റെ മുടിയിഴകൾ കുറച്ചു കൂടുതൽ എന്റെ മുഖത്തേക്ക് പാറി, ഞാൻ അത് മനഃപൂർവം മുഖത്ത് നിന്നും മാറ്റുന്ന ഭാവത്തിൽ പിടിച്ചു വലിച്ചു .
അതോടെ സ്വല്പം വേദന എടുത്ത മഞ്ജു ദേഷ്യത്തോടെ തിരിഞ്ഞു നോക്കി . മായേച്ചിയും അത് കണ്ടിരുന്നു . അവൾ ഞാൻ ചെയ്തത് കണ്ടു അടക്കി ചിരിക്കുന്നുണ്ട്. ഞാൻ ഒന്നും സംഭവിക്കാത്ത മട്ടിൽ കണ്ണടച്ച് ഇരുന്നു .
“എന്താടോ ?’
മഞ്ജു എന്നെ നോക്കി .
“എന്ത്…കുറെ നേരം ആയി ഇത്..സഹിക്കുന്നതിനു ഒരു പരിധി ഇല്ലേ..”
ഞാൻ ഗൗരവത്തിൽ പറഞ്ഞു .
അവൾ പാറുന്ന മുടിയിഴ കൈകൊണ്ട് ഒതുക്കി പിടിച്ചു എന്നെ നോക്കി കണ്ണുരുട്ടി. പിന്നെ മായാ മിസ്സിനെയും . അവൾക്കു എന്തൊക്കെയോ സംശയങ്ങൾ ഉള്ള പോലെ എനിക്ക് തോന്നിയിരുന്നു .പക്ഷെ ഒന്നും വിട്ടു പറയുന്നില്ല . പിന്നെ ഒരു ടീച്ചർ അടുത്ത് വന്നിരുന്നു എന്നതുകൊണ്ട് ഇപ്പൊ അങ്ങനെ ഓരോന്ന് ഊഹിക്കാൻ തുടങ്ങിയാൽ എല്ലാ ടീച്ചർമാരുമായി ശ്യാമിന് ബന്ധം ഉണ്ടെന്നു പറയേണ്ടി വരും !
ഞങ്ങളുടെ സംസാരം അപ്പുറത്തിരുന്ന പെൺകുട്ടികളും ശ്രദ്ധിക്കുന്നുണ്ട്.
“മ്മ്…എന്ന ആ വിൻഡോ അടച്ചൂടെ “
അവൾ സ്വല്പം നീരസത്തോടെ ചോദിച്ചു .
“അതിനേക്കാൾ നല്ലത് മിസ് അങ്ങോട്ട് ഇരിക്കുന്നതാ “
ഞാൻ അവളെ ദേഷ്യം പിടിപ്പിക്കാനായി മുൻപിലോട്ട് ചൂണ്ടിക്കൊണ്ട് പറഞ്ഞു .
“ഓ….”
അവൾ ചൂടായി കൊണ്ട് എഴുനേറ്റു മുന്പിലേക്കിരുന്നു . അവൾ പോയതും മായേച്ചി തിരിച്ചു അതെ പൊസിഷനിലേക്ക് എത്തി . അവൾ മുടിയിഴ ഇടതു തോളിലൂടെ മൊത്തമായി മുന്പിലോട്ടു അത് കൈകൊണ്ട് തഴുകി പിടിച്ചിരുന്നത് കൊണ്ട് ശല്യം ഉണ്ടായില്ല .