Posted by “നിങ്ങളെ എന്താ ഇരട്ട പെറ്റതോ..എപ്പോ നോക്കിയാലും ഒപ്പം ആണല്ലോ..”
മഞ്ജു ശ്യാമിനെ പിടിച്ചു വലിച്ചുകൊണ്ട് പറഞ്ഞു .
അങ്ങനെ അവൻ മനസില്ല മനസോടെ എഴുനേറ്റു . പുറകിലെ സീറ്റിലേക്ക് മാറി ഇരുന്നു . അതോടെ മഞ്ജുസ് ചാടി കയറി എന്റെ അടുത്തേക്കിരുന്നു .
അവളുടെ പതിവ് സ്മെൽ അടുത്തേക്കിരുന്നപ്പോൾ തന്നെ എന്നിലേക്ക് അടിച്ചു കയറി . അവൾ വലതു തോൾ എന്റെ ഇടം തോളിലേക്ക് ഉരുമ്മിയാണ് ഇരുന്നത് .
ഞാൻ മൈൻഡ് ചെയ്‌യുന്നില്ലെന്ന് കണ്ടപ്പോൾ മഞ്ജുസ് എന്നെ ചെരിഞ്ഞു നോക്കി .
ഞാൻ എന്താണെന്ന ഭാവത്തിൽ അവളെ നോക്കി പുരികം ഉയർത്തി .
“ചുമ്മാ..”
അവൾ ചിരിച്ചു കാണിച്ചുകൊണ്ട് എന്റെ തുടയിൽ നുള്ളി.
“ആഹ്…”
ഞാൻ പല്ലിറുമ്മി ശബ്ദം അടക്കികൊണ്ട് വാ പൊളിച്ചു . പിന്നെ ദേഷ്യത്തോടെ അവളുടെ വലതു തുടയിൽ അതുപോലെ ജീന്സിനു മീതേകൂടി നുള്ളി…
“ആഹ്…ഊഊ “
മഞ്ജു ഞാൻ നുള്ളി പറിച്ച വേദനയിൽ ഒന്ന് പിടഞ്ഞു . പിന്നെ എന്റെ കാലിൽ ഒരു ചവിട്ടു ചവിട്ടി…
കാലു വേദനിച്ചപ്പോൾ ഞാൻ അവളുടെ ദേഹത്ത് നിന്നുള്ള പിടിവിട്ടു .
“ആഹ്..എന്ത് പിച്ചൽ ആടാ ഇത്..ഓ ..എന്റെ തോല് പോയിന്ന തോന്നുന്നേ “
മഞ്ജു തുട ഉഴിഞ്ഞുകൊണ്ട് ശബ്ദം താഴ്ത്തി സ്വകാര്യം പറയും പോലെ പറഞ്ഞു .
“അപ്പൊ നീ പിച്ചിയതോ “
ഞാൻ അവളോടായി ദേഷ്യപ്പെട്ടു .
“അത് പതുക്കെ അല്ലെ..”
അവൾ ഒന്നുമറിയാത്ത ഭാവത്തിൽ പറഞ്ഞു .
“അത് മഞ്ജുസ് പറഞ്ഞ മതിയോ..എനിക്കാ വേദന “
ഞാൻ ചിരിയോടെ പറഞ്ഞു .
“അയ്യടാ ..”
എന്റെ ചിരി കണ്ടു അവളൊന്നു ആക്കിയ പോലെ മുഖം വക്രിച്ചു .പിന്നെ പാന്റിന്റെ പോക്കെറ്റിൽ നിന്ന് മൊബൈൽ എടുത്തു നോക്കി .
ഞാൻ പുറകിലേക്കും മുന്പിലേക്കുമൊക്കെ നോക്കി . എല്ലാവരും ഉറക്കത്തിലോ ക്ഷീണത്തിലോ ഒക്കെയാണ് . പുറകിലെ സീറ്റിൽ നിന്നും മാത്രമേ സംസാരം ഒക്കെ കേൾക്കുന്നുള്ളു . പെണ്കുട്ടികളൊക്കെ ഉറങ്ങി കഴിഞ്ഞിരുന്നു .