Posted by
“അത് ചേച്ചി , ഞാൻ പുതിയ വീടൊക്കെ കണ്ട ആകാംക്ഷയിൽ ..”
“ഓ, അതാണ് കാര്യമല്ലേ , ഞാൻ കരുതി ഞങ്ങളൊക്കെ അന്യർ ആയെന്നു..”
” അയ്യോ , ചേച്ചി അങ്ങനെ ഒന്നും പറയല്ലേ . ഒരു തെറ്റുപറ്റി ഇനി അതിൽ കൊല്ലാക്കൊല ചെയ്യേണ്ട “
” ഹ , എന്നാൽ ഇവിടെ വന്നിരി ചോദിക്കട്ടെ വിശേഷങ്ങൾ ”
രാധിക ഹാളിലെ സോഫയിൽ ഇരുന്ന് കൊണ്ട് അമ്മുവിന്റെ കൈ പിടിച്ചു തന്റെ അടുത്തിരുത്തി.
അമ്മു യാതൊരു വികാരവും കൂടാതെ രാധികയുടെ അടുത്ത് ഇരുന്നു.
“നിനക്കെന്നാടി പറ്റിയെ ? ഒരു മാതിരി ചത്ത കോഴിയെ പോലെ..” രാധിക അമ്മുവിന്റെ മുടി മാടിയൊതുക്കി ചോദിച്ചു.
“ഹേയ് ഒന്നുമില്ല , എനിക്ക് നല്ല സുഖം ഇല്ലായിരുന്നു … പനി ആയിരുന്നു കുറച്ച് ദിവസമായിട്ടു. കഴിഞ്ഞ ദിവസമാണ് തല പൊങ്ങിയത് ..”
“ആഹ് , അതിന്റെ ക്ഷീണം കണ്ണിൽ കാണാൻ പറ്റുന്നുണ്ട് , നീ എന്താ മഴ നനഞ്ഞോ പെട്ടെന്ന് പനി വരുവാൻ ?”
” ഹാ ചേച്ചി ഞാൻ കോളേജിൽ നിന്നും വരുന്ന വഴി മഴ നനഞ്ഞിരുന്നു .. ചിലപ്പോ അതിന്റെ ആവും ”
“ആ .. നിന്റെ പഠിത്തം എങ്ങനെ പോവുന്നു”
” നന്നായിട്ട് പോവുന്നു , എന്നാലും അത്ര സുഖമില്ല ബോർ ആണ് … പിന്നെ പഠിച്ചല്ലേ പറ്റൂ ”
“നീ ഉഴപ്പി നടക്കുകയാണ് എന്ന് ‘അമ്മ ഒരുതവണ വിളിച്ചപ്പോ പറഞ്ഞിരുന്നു. നിനക്ക് മുഴുവൻ സമയം കളിയാണ് ഫോണിൽ എന്നൊക്കെ ,”
” ഹേയ് , അങ്ങനെ ഒന്നുമില്ല ചേച്ചി അത് ‘അമ്മ ചുമ്മാ…”
“എന്തു ചുമ്മാ , നീ അവളോട്‌ ചോദിക്ക് പെണ്ണേ അവൾക്കെന്താ ഫോണിൽ ഇതിനും മാത്രം ഉള്ളതെന്ന് , ഞങ്ങളൊക്കെ ചോദിച്ചാൽ അതും ഇതൊക്കെ പറഞ്ഞു പോവും ”
ഇതും പറഞ്ഞു കൊണ്ടു ‘അമ്മ സോഫയിലേക്ക് കയറി ഇരുന്നു.
“ഈ ‘അമ്മ” , എന്നും പറഞ്ഞു കൊണ്ട് അമ്മു സോഫയിൽ നിന്നും ചാടി എഴുഞ്ഞെറ്റു ..
” നീ അവിടെ ഇരിക്കടി ” രാധിക മിതമായ രീതിയിൽ കയർത്തു
അമ്മു അത് പോലെ തന്നെ സോഫയിൽ ഇരുന്നു.
“ഇനി പറയ് , എന്താ ഇത്ര ഫോണിൽ കളി ”
“ഹേയ് യാതൊന്നുമില്ല ഞാൻ ചുമ്മ പാട്ടൊക്കെ കേട്ടിരിക്കുന്നതാ .. അല്ലാതെ ഒന്നുമില്ല” ഒഴുക്കൻ മട്ടിൽ അമ്മു മറുപടി നൽകി.
“ഹാ , നിന്നെ ഞാൻ പിടിക്കുന്നുണ്ട് , ഇവിടെ ഇപ്പൊ എല്ലാവരുമുണ്ട് വെറുതെ സംസാരിച്ചു വഷളാക്കുന്നില്ല..” രാധിക അമ്മയെ നോക്കി പറഞ്ഞു.
” ആഹ് , നിങ്ങൾ എന്ന ഇവിടെ ഇരിക്ക് ഞാൻ ശ്രീജിയെ ഒന്നു കാണട്ടെ ” എന്നും പറഞ്ഞു ‘അമ്മ എണീറ്റ ഉടൻ തന്നെ “ഞാനും വരുന്നെന്നു” പറഞ്ഞുകൊണ്ട് അമ്മുവും ചാടി എണീറ്റു.