Posted by “ഇവിടെ തുടക്കാൻ വരുന്ന സ്ത്രീയാണ്ടെന്ന് തോന്നുന്നു.”
“പോലീസിലാെന്നും അറിയിച്ചില്ലേ.?”
“ചെന്ന് ചോദിച്ച് നോക്ക്. കുറേ നേരമായൊരുത്തൻ ശല്യം ചെയ്യുന്നു.” കോപത്തോടെ അയിരുന്നു അയാളുടെ മറുപടി.
“സാേറി ചേട്ടാ അറിയാനുളള ആകാംഷ കൊണ്ട് ചോദിച്ചതാണ്. മാത്രവുമല്ല മരണപ്പെട്ടയാൾ എന്റെ സഹപ്രവർത്തകർ കൂടി ആയിരുന്നു.”
“അയ്യോ സോറിട്ടോ. ഞാൻ കരുതി വഴിയെ പോകുന്നവർ കാര്യമറിയാൻ നിർത്തി ചോദിക്കാറുണ്ട്. ഇതും അത് പോലെയുള്ളവരാണെന്ന് ഞാൻ കരുതിപ്പോയി സാർ. പോലീസിൽ വിളിച്ച് പറഞ്ഞിട്ടുണ്ട്. ഉടനെ എത്താമെന്നാണ് പറഞ്ഞത്.” അയാൾ പുഞ്ചിരിയോടെ മറുപടി നൽകി.
അരുണിന്റെ മനസ്സിനൊരു സുഖം തോന്നി. അവൻ ആശ്വാസത്തോടെ ലോഡ്ജിന്റെ മറ്റൊരു കോണിലേക്ക് മാറി നിന്ന് രംഗം നിരീക്ഷിക്കാൻ തുടങ്ങി.
ആളുകൾ പിന്നെയും വന്ന് കൊണ്ടിരുന്നു. അവർ തമ്മിൽ തമ്മിൽ നന്ദന്റെ മരണത്തെ കുറിച്ച് പല കഥകളും മെനഞ്ഞു. അതിശയോക്തി നിറയുന്ന പല കഥകളും അതിലുണ്ടായിരുന്നു.
“ഇങ്ങ് കൊണ്ടു വാ. ഒന്ന് ചെക്ക് ചെയ്ത് നോക്കാം.” കമ്പ്യൂട്ടർ നന്നാക്കുന്ന ആൾ അലിയോട് പറഞ്ഞു.
അലി അതുമായി ആദ്യം അയാളെ സമീപിച്ചപ്പോൾ അയാൾ മറ്റൊന്ന് നന്നാക്കുന്ന തിരക്കിലായിരുന്നു. അത് കൊണ്ട് കുറച്ച് നേരം കാത്തിരിക്കാനാണ് അപ്പോളയാൾ ആവശ്യപ്പെട്ടത്. അത് നന്നാക്കി കഴിഞ്ഞ ശേഷം അയാൾ അവനെ വിളിച്ചു.
അലി ലാപ്ടോപ്പുമായി അയാളുടെ അടുത്തേക്കെത്തി. അയാളും അതൊന്ന് ഓപൺ ആക്കാനുള്ള ശ്രമം നടത്തി. ശേഷം അയാളുടെ കമ്പ്യൂട്ടറുമായി കണക്ട് ചെയ്ത് സോഫ്റ്റ് വെയർ മിസ്സിങ്ങ് ആണോ എന്ന് നോക്കി.
അതുമല്ല എന്ന് കണ്ടതോടെയാണ് അയാൾ അത് അഴിച്ച് നോക്കാൻ തുടങ്ങിയത്. അത് തുറന്ന് നോക്കിയപ്പോൾ അതിനകത്ത് ഹാർഡ് ഡിസ്ക് ഇല്ലെന്ന സത്യം അയാൾ മനസ്സിലാക്കി.
“ഇത് ആരുടെ ലാപ്ടോപ്പ് ആണെന്നാണ് പറഞ്ഞത്.” അയാൾ സംശയത്തോടെ അലിയെ നോക്കിക്കൊണ്ട് ചോദിച്ചു.
അത് എന്റെ ഒരു സുഹൃത്തിന്റെ ഏട്ടന്റേതാണ്. ഓൺ ആക്കുന്നില്ല. നന്നാക്കി കൊണ്ട് വന്നാൽ ഗൈം കളിക്കാം എന്നവൻ പറഞ്ഞു. അത് കൊണ്ട് നന്നാക്കാൻ കൊണ്ട് വന്നതാണ്.” അലി പറഞ്ഞു. അവൻ ഈ ചോദ്യം പ്രതീക്ഷിച്ചിരുന്നത് കൊണ്ട് തന്നെ അതിനുള്ള മറുപടിയും മനസ്സിൽ കരുതിയിരുന്നു.
“ഓ അത് ശരി. ഇതിന്റെ ഹാർഡ് ഡിസ്ക് മിസ്സിങ്ങ് ആണ് അത് കൊണ്ടാണ് ഇത് വർക്ക് ചെയ്യാത്തത്.”
“മിസ്സിങ്ങ് എന്ന് വെച്ചാൽ എന്തെങ്കിലും ചെറിയ കമ്പ്ലൈന്റ് ആണോ. അതോ അതിനകത്ത് ഹാർഡ് ഡിസ്ക് ഇല്ലെന്നോ.?” അലി സംശയത്തിൽ അയാളെ നോക്കി.
“ഇതിനകത്തില്ല. അപ്പോഴെങ്ങനാ. പുതിയ ഹാർഡ് ഡിസ്ക് ഇടുക്കല്ലേ.?”
“അതിനെത്ര രൂപ വരും.”
“512 GB ആണെങ്കിൽ ഒരു 5000 പ്ലസ് സർവ്വീസ് ചാർജ് 1TB ആണെങ്കിൽ 7000 പ്ലസ് സർവ്വീസ് ചാർജ്.”