Posted by അമ്മുമ്മ ;”എന്താടാ കുട്ട്യേ അകെ മോശം ആയല്ലോ നീ “
അമ്മുമ്മ എന്നെ അടിമുടി നോക്കി അവരുടെ ആകുലത അറിയിച്ചു.
ഞാൻ ;”ഏയ്…ഇപ്പൊ തടി കൂടിയിട്ടേ ഉള്ളു അമ്മുമ്മേ ..അമ്മുമ്മ കണ്ടിട്ട് കുറച്ചയില്ലെ അതാ “
ഞാൻ ചിരിയോടെ പറഞ്ഞു.
വിനീത ;”ആഹ്…നിനക്കെന്താ ഇടക്ക് അങ്ങോട്ടൊക്കെ വന്ന..ഞങ്ങളെന്താ അന്യന്മാരാണോ “
വിനീത ആന്റി ചിരിയോടെ പറഞ്ഞു പരിഭവിച്ചു.
ഞാൻ ;”വരാൻ സമയം വേണ്ടേ അമ്മായി…”
വിനീത ;”ഓ പിന്നെ ..ഒരു ജോലിക്കാരൻ ..പോടാ അവിടന്ന് “
വിനീത എന്നെ മധുരമായി ഭീഷണിപ്പെടുത്തി.
അമ്മുമ്മയും ആ വാദത്തെ പിന്താങ്ങി.
ഞാൻ ;”ഏയ്..എന്നാലും ഓരോ തിരക്കല്ലേ അമ്മായി “
ഞാൻ ചിരിയോടെ പറഞ്ഞൊപ്പിച്ചു .
അമ്മുമ്മ ;”എന്ത് തിരക്കായാലും ഇടക്കൊക്കെ അങ്ങോട്ടേക്കെ വരണം കുട്ട്യേ ..അവനവന്റെ ആൾക്കാരല്ലേ”
അമ്മുമ്മ പരിഭവിച്ചു.
ഞാൻ ;”ഓ..വരാം അമ്മമ്മേ ..”
ഞാൻ അവരെ ചേർത്ത് പിടിച്ചുകൊണ്ട് പറഞ്ഞു.
“ആഹ്..ഞാനെപ്പോഴും പറയും ഇവനോട്..അങ്ങോട്ടേക്കൊക്കെ ചെല്ലാൻ,,പറഞ്ഞ കേൾക്കണ്ട..ഞാൻ വരുമ്പോ വിളിച്ചാലും വരില്ല “
അത് വരെ എല്ലാം കണ്ടു നിന്ന എന്റെ അമ്മയും അവരുടെ സൈഡിലോട്ടു മാറി. പെങ്ങളും അതേറ്റുപിടിച്ചു ചിരിച്ചു. ഞാനവളെ നോക്കി കണ്ണുരുട്ടി പേടിപ്പിച്ചു! അവളെന്നെ നോക്കി കൊഞ്ഞനം കുത്തുന്ന പോലെ കാണിച്ചു! ഇതൊരു സ്ഥിരം ഏർപ്പാടാണ് .
ഞാൻ ;”ഓ..ഇനിയിപ്പോ അതായി..അമ്മക്ക് വേറൊന്നും പറയാനില്ലേ “
ഞാൻ ഉമ്മറത്തെ തിണ്ണയിലേക്കിരുന്നുകൊണ്ട് പറഞ്ഞു. ‘അമ്മ അതോടെ മുഖം തിരിച്ചു !സ്വന്തം ആള്ക്കാര് വന്നപ്പോ ഈയുള്ളവന്റെ കാലു വാരുന്ന അമ്മ !നല്ല ബെസ്റ്റ് ഫാമിലി!
അമ്മുമ്മ ;”ആഹ്..നീ അവനു ചായ കൊടുക്ക് മോളെ “
എന്റെ അമ്മയോടായി അമ്മുമ്മ പറഞ്ഞു.