Posted by മഞ്ജു ;”ഓ..സാർ അതോർത്തു ബുദ്ധിമുട്ടണ്ട..ഞാൻ സൗകര്യം പോലെ ചെയ്തോളാം”
മഞ്ജു അല്പം ദേഷ്യത്തോടെ പറഞ്ഞു.
ഞാൻ ;”മ്മ്…ആയിക്കോട്ടെ “
ഞാനും പതിയെ പറഞ്ഞുകൊണ്ട് ആ റൂമിൽ നിന്നും പുറത്തിറങ്ങി.
പിന്നാലെ മഞ്ജുവും. അപ്പോഴെക്കും രമ്യ ജ്യൂസുമായി ഹാളിലേക്കെത്തിയിരുന്നു . ഞങ്ങൾ ഹാളിലെത്തി. എനിക്ക് മാത്രമാണ് ജ്യൂസ് ഉണ്ടായിരുന്നത്. ഞാനത് പതിയെ പതിയെ ആക്രാന്തം ഒന്നും കാണിക്കാതെ കുടിച്ചു തീർത്തു .
രമ്യയും മഞ്ജുവും എന്നെ തന്നെ നോക്കി നിൽക്കുന്നത് എനിക്കെന്തോ ഒരു വിമ്മിഷ്ടം ഉണ്ടാക്കി , സ്വല്പം നാണവും ! അതെന്താണെന്നു ചോദിച്ചാൽ അറിയില്ല !
ഒരുവിധം അത് കുടിച്ചു തീർത്തു ഞാൻ യാത്ര പറഞ്ഞിറങ്ങി. രമ്യ ഗ്ലാസും വാങ്ങി അടുക്കളയിലേക്കു പോയി . ആ സമയം മഞ്ജു എന്റെ കൂടെ പുറത്തേക്കിറങ്ങി.
ഞാൻ ;”എന്ന ഞാൻ പോട്ടെ…”
മഞ്ജു ;”മ്മ്…പൊക്കോ “
മഞ്ജു വല്യ താല്പര്യമില്ലാത്ത മട്ടിൽ പറഞ്ഞു.
ഞാൻ ;”ഒരുമ്മ തരുന്നോ?”
ഞാൻ ചുറ്റിനും നോക്കി ആരുമില്ലെന്നുറപ്പാക്കി അവളോട് ചേർന്ന് നിന്നുകൊണ്ട് പതിയെ ചോദിച്ചു.
മഞ്ജു ;”ഇല്ല..വേണേൽ ഒരു ചവിട്ട് തരാം “
മഞ്ജു എന്നെ നോക്കി കണ്ണുരുട്ടി.
ഞാൻ ;”ശോ…മൂഡ് പോയി..”
ഞാൻ ആരോടെന്നില്ലാതെ പറഞ്ഞു.