Posted by വാക്കുകളിൽ മാത്രം ഭയമടങ്ങിയ ഉറച്ച സ്വരം അവളിൽ നിന്നും മാധവനിലേക്ക് ഒഴുകിയെത്തി.
” …… അതിനെന്താ ….. ഞാൻ വരാല്ലോ …… എവിടെയാണ് സ്ഥലം …. “.
അനിത സ്ഥലം പറഞ്ഞു. മൂന്നാല് കിലോമീറ്റർ ഉണ്ട്. പുറത്താണെങ്കിൽ നല്ല മഴയും. റെയിൻ കോട്ടിട്ട് പുതിയതായി വാങ്ങിയ വിലകൂടിയ സൈക്കിൾ എടുത്ത് ആഞ്ഞു ചവുട്ടി. ഗീയറുകൾ മാറിക്കൊണ്ട് സൈക്കിളിന്റെ അതിവേഗം നിമിഷങ്ങൾ കൊണ്ടവൻ കൈകൊണ്ടു. വ്യായാമം എന്ന നിലക്കാണ് സൈക്കിൾ വാങ്ങിയത്. അതിനാൽ ചവുട്ടുന്ന നേരത്തൊക്കെ ഇത്രയും സ്പീഡെടുക്കാറില്ലായിരുന്നു.
അവൻ മഴത്തുള്ളികൾ പൊഴിയുന്ന വീഥിയിലൂടെ ആ സവാരി ആസ്വദിച്ചു.
അധികം വൈകാതെ അനിത പിള്ള പറഞ്ഞ ഭാഗത്ത് അവനെത്തി. വക്കിലിന്റെ വീട്ടിൽ കണ്ടു പരിചയമുള്ള കാർ ദൂരേ നിന്നെ അവൻ കണ്ടു. നല്ല വെളിച്ചം പകരുന്ന ഹൈ മാസ്ക്ക് ലൈറ്റിന്റെ കീഴിൽ വെള്ളനിറമുള്ള ബെൻസ് കാർ കിടക്കുന്നു.
മാധവൻ അവിടേക്ക് അതിവേഗത്തിൽ ആഞ്ഞു ചവുട്ടി. കാറിനടുത്ത് സൈക്കിൾ സ്റ്റാൻഡിൽ വച്ചു.
” .. ….. മാധവാ …. ഉള്ളിലേക്ക് കയറൂ ….. “
ഡ്രൈവിങ് സീറ്റിൽ നിന്നും മറുവശത്തെ ഡോർ തുറന്നുകൊണ്ട് അനിത പറഞ്ഞു.
റെയിൻ കോട്ട് ആകെ നനഞ്ഞു നിൽക്കുന്ന അവസ്ഥയിൽ ആ വിദേശ നിർമ്മിത കാറിന്റെ വിലകൂടിയ സീറ്റിനെ നനയ്ക്കാൻ ആഗ്രഹിക്കാതെ അവൻ വിഷമത്തോടെ നിന്നു.
” …… ഇറ്റ്സ് ഓകെ മേൻ …. ഗെറ്റ് ഇൻ …… “.
അവൾ ചിരിയോടെ ക്ഷണിച്ചു.
മാധവൻ നീളൻ റെയിൻ കോട്ട് ഊരി കാറിന്റെ മുകളിൽ വച്ച് ഉള്ളിലേക്ക് കയറി. അനിത ഒരു ടൗവിൽ എടുത്ത് അവന്റെ നേർക്ക് നീട്ടി.
” . …… തുവർത്തിക്കോ ….. പനി പിടിപ്പിക്കണ്ടാ …. “.
ശാസനയോടെ അവനെ നോക്കി മനോഹരമായ കരിമിഴി കണ്ണുകൾ വട്ടം പിടിച്ചു.
” . ……. എന്താണ് മേഡം വണ്ടിക്ക് പറ്റിയത് ….. “.
” ………. അറിയില്ല മാധവാ …… വണ്ടി സ്റ്റാർട്ട് ചെയ്ത് ഓടുബോഴേക്കും പെട്ടെന്ന് ചാടി ചാടി ഓഫാക്കുക …. എന്ത് പണ്ടാരപിടിച്ച കാറാണാവോ ഇത് ….. “. അസ്സഹനീയതയിൽ അവൾ കാറിനെ പഴിച്ചു.
” …… മാഡം ….. ഇത് ബെൻസ് അല്ലേ ….. ഇങ്ങനെ പ്രാകാതെ …. കമ്പനിക്കാർ അറിഞ്ഞാൽ മേഡ്ത്തിനെ ശരിയാക്കും ……. “.