“എഴുന്നേറ്റ് വാ മട്ടാഞ്ചേരി സക്കീര് അണ്ണാച്ചീ….”
അവന് കത്തി ചുമ്മാ താടിക്ക് മുട്ടിച്ചുകൊണ്ട് പറഞ്ഞു. ആളുകള് താന് ചവിട്ടുകൊണ്ട് വീഴുന്നത് കണ്ടു എന്ന് മനസിലാക്കിയ സക്കീറിന്റെ പക ആളിക്കത്തി. അയാള് ചാടി എഴുന്നേറ്റ് കോപാക്രാന്തനായി അവന്റെ നേരെ ചെന്നു. വാസു കത്തി അയാളുടെ നേരെ നീട്ടി.
“ഇന്നാ..പിടിച്ചോ..നിനക്ക് ഒരു ധൈര്യത്തിന് ഇത് കൈയിലുള്ളത് നല്ലതാ..വാങ്ങടാ..” അവന് കൂസലില്ലാതെ അയാള്ക്ക് നേരെ ചെന്നു കത്തി കൈയില് പിടിപ്പിച്ചു.
“ഒരു തന്തയ്ക്ക് പിറന്നവന് ആണെങ്കില് കുത്തടാ…” വാസു അയാളുടെ കണ്ണിലേക്ക് നോക്കി വെല്ലുവിളിച്ചു.
സക്കീര് കത്തി അവന്റെ നെഞ്ചു ലക്ഷ്യമാക്കി ആഞ്ഞുകുത്തി. പക്ഷെ അയാളുടെ കൈ ഉയരുന്നതിനും ഒരു സെക്കന്റ് മുന്പേ വാസുവിന്റെ കാല് അയാളുടെ അടിവയറ്റില് പതിച്ചു കഴിഞ്ഞിരുന്നു. ഒരു അലര്ച്ചയോടെ സക്കീര് നിലംപൊത്തി. വാസു അയാളുടെ കഴുത്തില് വലതുകാല് ചവിട്ടിക്കൊണ്ട് മറ്റേക്കാല് കത്തി പിടിച്ചിരുന്ന കൈയില് ശക്തമായി അമര്ത്തി. സക്കീര് ശ്വാസം മുട്ടി കണ്ണുകള് തള്ളുന്നത് നോക്കി ഒരു നിമിഷം നിന്ന ശേഷം അവന് കാല് മാറ്റി.
“എടാ കള്ളക്കിഴവാ….നിന്റെ പണി തീര്ക്കാന് എനിക്ക് ഒരു സെക്കന്റ് മതി..പക്ഷെ നിന്നെപ്പോലെ ഒരു ചാവാലിയെ കൊന്നിട്ട് എനിക്കൊന്നും കിട്ടാനില്ല. നിന്റെ മോനോട് പറഞ്ഞേക്കണം വാസു ഇനിയും വരുമെന്ന്..അപ്പോള് ഞാന് പറഞ്ഞത് ചെയ്തില്ലെങ്കില്, തന്തേം മോനും ശിഷ്ടകാലം ജീവിക്കാന് ഓരോ വീല്ചെയര് വാങ്ങി വച്ചേക്കണം..കേട്ടോടാ കഴുവര്ടമോനെ..” കാലുമടക്കി പന്ത് തട്ടുന്നത് പോലെ അയാളുടെ തലയില് അടിച്ചുകൊണ്ട് വാസു പറഞ്ഞു. സക്കീര് നിലവിളിച്ചുപോയി.
ബുള്ളറ്റില് കയറി സ്റ്റാര്ട്ട് ആക്കി സക്കീറിനെ രൂക്ഷമായി ഒന്ന് നോക്കിയ ശേഷം വാസു അത് മുകളിലേക്ക് ഓടിച്ചു കയറ്റി.
———–
അടുത്ത ദിവസം സ്കൂളില് എത്തിയ ദിവ്യയ്ക്ക് രശ്മി തന്നെ അവളുടെ മൊബൈല് നല്കി. ദിവ്യയുടെ കണ്ണുകള് വിടര്ന്നു.
“ങേ..ഇതെവിടെ നിന്നു കിട്ടിയെടി..” ദിവ്യ അത്ഭുതത്തോടെ ചോദിച്ചു.
“എനിക്കറിയില്ല..ഞാന് എത്തുമ്പോള് ഇത് നിന്റെ സീറ്റില് ഉണ്ടായിരുന്നു..ആരോ വച്ചിട്ടു പോയതാണ്..” അവള് പറഞ്ഞു.
“ഫാത്തിമ തന്നെയാണോ? അവളെ നീ കണ്ടിരുന്നോ? ഫോണ് വാങ്ങിയിട്ട് ദിവ്യ ചോദിച്ചു.
“ഇല്ലെടി..ഞാന് ഇപ്പം വന്നതേ ഉള്ളു..വന്നപ്പോള് ഇത് നിന്റെ ടേബിളില് ഉണ്ട്”
“ഹോ..എന്തായാലും കിട്ടിയല്ലോ..അതുമതി”
അങ്ങനെ ആശ്വസിച്ചുകൊണ്ട് ദിവ്യ സീറ്റില് ഇരുന്നു. അവള്ക്ക് ഫോണ് കിട്ടിയതോടെ നഷ്ടമായ സന്തോഷം തിരികെക്കിട്ടി. വേഗം തന്നെ അവള് എല്ലാം പരിശോധിച്ചു. ഓട്ടോ ലോക്ക് ഉള്ളതുകൊണ്ട് ആര്ക്കും ഉപയോഗിക്കാന് പറ്റില്ല എന്നവള്ക്ക് അറിയാമായിരുന്നു. ഫോണ് കിട്ടിയപാടെ അവള് വാട്ട്സ് അപ്പില് പൌലോസിനു മെസേജ് അയച്ചു:
“ഹായ് സര്..എന്റെ ഫോണ് കിട്ടി..”
സന്ദേശം അയച്ച ശേഷം അവള് മറുപടി വരുന്നുണ്ടോ എന്ന് നോക്കി. പക്ഷെ മറുപടി വന്നില്ല. അവള് മുഖം വീര്പ്പിച്ചു ഫോണ് മാറ്റിവച്ചു. ക്ലാസ് നടക്കുമ്പോഴും അവളുടെ മനസ്സില് പൌലോസ് ആയിരുന്നു. ഇടയ്ക്കിടെ അയാളുടെ മെസേജ് വരുന്നുണ്ടോ എന്നവള് നോക്കിയെങ്കിലും നിരാശയായിരുന്നു ഫലം.
മൃഗം 16 [Master]
Posted by