“ഇവിടെയോ?”
“നീ കഴിഞ്ഞ ആഴ്ച ഒരു ന്യൂ അഡ്മിഷന്റെ കാര്യം പറഞ്ഞില്ലായിരുന്നോ. അത് അശ്വതി ആയിരുന്നു.”
“ശോ.. എനിക്ക് അവളെ ഒന്ന് കാണാമായിരുന്നല്ലോ.”
അപ്പോഴേക്കും അശ്വതിയെ ക്ലാസ്സിൽ ആക്കിട്ടു രേഷ്മ അവിടേക്കു എത്തിയിരുന്നു. അവൾ പറഞ്ഞു.
“നീ വിഷമിക്കണ്ട ആര്യേ. ഇവന്റെ മനസിലാക്കിയ പെണ്ണിനെ നിനക്കിന്നു ഉച്ചക്ക് കാണാം, നമ്മളോടൊപ്പം ഇരുന്നു ഫുഡ് കഴിക്കാൻ അവൾ ഉച്ചക്ക് ഇവിടെ വരും.”
ആര്യ കാർത്തികിനോട് ചോദിച്ചു.
“അപ്പോൾ ഇന്ന് ഉച്ചക്ക് നീ അവളെ പ്രൊപ്പോസ് ചെയ്യുമോടാ?”
അതിനുള്ള ഉത്തരം രേഷ്മ ആണ് പറഞ്ഞത്.
“മ്മ്..ബെസ്ററ്.. ഇങ്ങോട്ടു വരാം നേരം അവൻ എന്നോട് പറഞ്ഞത് ഇനി അവളെ കാണുന്ന നിമിഷം ഇഷ്ടമാണെന്നു പറയുമെന്നാ… എന്നിട്ടു അവളെ കണ്ടപ്പോൾ അവളുടെ വായിൽ നോക്കി നിൽക്കുന്നു.”
“നിനക്ക് അങ്ങനെ പറയാം.. അവളെ കാണുമ്പോൾ എന്റെ ഹൃദയം പട പട ഇടിക്കാൻ തുടങ്ങും, എന്താ അങ്ങനെ എന്ന് എനിക്ക് അറിയില്ല.”
രേഷ്മ ആര്യയെ ചൂണ്ടിക്കൊണ്ട് പറഞ്ഞു.
“അതെന്താ അങ്ങനെ എന്ന് ഇവളോട് ചോദിച്ചാൽ പറഞ്ഞു തരും. ഈ ഹൃദയം ഇടിപ്പിനെ പറ്റി ഒരുപാട് പ്രാവിശ്യം ഇവൾ എന്നോട് പറഞ്ഞതാണ്.”
ആര്യ രേഷ്മയെ ഇടിക്കാൻ ഓങ്ങികൊടു പറഞ്ഞു.
“രെച്ചു… അത് പറഞ്ഞു കളിയാക്കിയാൽ നിന്നെ ഞാൻ കൊല്ലും.”