Posted by “ഓഹ് അതു അന്നത്തെ ഓട്ടത്തിനിടക്ക് മറന്നു പോയതാ. “
അവൾ പറഞ്ഞു.
“ഇതു തന്നെയാ പ്രിയക്കും പറ്റിയത് “
ഞാൻ പറഞ്ഞു.
“ഉം “
“നീ വരുന്നുണ്ടോ?. ഞാൻ നിന്നെ ഫ്ലാറ്റിൽ ഡ്രോപ്പ് ചെയാം “
ഞാൻ അവളുടെ കൈയിൽ നിന്നും ബാഗ് വാങ്ങിച്ചു കാറിൽ വെക്കുന്നതിനിടയിൽ ചോദിച്ചു.
“ആ, അപ്പൊ ഇന്നത്തെ വണ്ടിക്കൂലി ലാഭം ആയി. “
അവൾ പറഞ്ഞു.
“എന്നാ വേഗം വന്നു കയറു. “
ഞാൻ കാറിൽ കയറുന്നുതിനിടയിൽ പറഞ്ഞു.
അവൾ വന്നു കാറിൽ കയറി.
“ഡാ., എനിക്ക് ഒരു കാര്യം പറയാൻ ഉണ്ട് ?”
ഞാൻ ഡ്രൈവ് ചെയുന്നതിനിടയിൽ അവൾ എന്നോട് പറഞ്ഞു.
“ആ ‘പറ “
“,അതെ ഞാൻ രണ്ടുമാസം കഴിഞ്ഞാൽ നാട്ടിലേക്ക് പോകും “
അവൾ പറഞ്ഞു.
“എന്താ ഇത്ര പെട്ടന്ന് “
“പെട്ടന്ന് ഒന്നും അല്ല ഞാൻ ലീവിന് പോയിട്ട് ഒന്നര വർഷത്തോളം ആയില്ലേ, പിന്നെ എനിക്ക് ഒരു കല്യാണാലോചന വന്നിട്ടുണ്ട് ഏതാണ്ട് ഉറച്ച മട്ടാ. അച്ഛൻ വിളിച്ചിരുന്നു ചെല്ലാൻ പറഞ്ഞു. “
അവൾ പറഞ്ഞു.
“അപ്പൊ രണ്ടു പേരും എന്നെ തനിച്ചാക്കി പോവുക ആണല്ലേ “
ഞാൻ ചെറു വിഷമത്തോടെ പറഞ്ഞു.
“എടാ കുറെ നാൾ ആയി അച്ഛനും അമ്മയും നിർബന്ധിക്കുന്നത് ഇനിയെങ്കിലും അവർ പറയുന്നത് കേൾകാം എന്നു വിചാരിച്ചു.നിന്നോട് ഇതു പറയാൻ വേണ്ടി ഞാൻ കുറച്ചു ദിവസം ആയി നടക്കുന്നു , അവസരം ഒത്തു വരാത്തത് കൊണ്ട് പറഞ്ഞില്ല എന്നെ ഒള്ളു “
അവൾ പറഞ്ഞു.
“ഉം, ശരി, നീ ചെക്കനെ കണ്ടോ “
“ഉം , വീഡിയോ കാളിങ് ചെയ്തിരുന്നു .ആൾക്ക് നാട്ടിൽ ചെറിയ എന്തോ ബിസിനസ്‌ ആണു “
അവൾ പറഞ്ഞു.