Posted by “ നാളെ ഞായർ അല്ലെ കടകൾ ഒന്നും തുറക്കുന്നില്ലലോ “
“ ഇല്ല “
ചെറിയച്ഛൻ മറുപടി നൽകി
“ ആ ഇങ്ങനെ എല്ലാവരെയും ഒത്ത് കിട്ടിയതുകൊണ്ട് ഞാനൊരു കാര്യം അങ്ങ് ചോദിക്കുവാ . എല്ലാവരും തീരുമാനം ആലോചിച്ചു പറ “
എല്ലാവരും അച്ഛച്ഛനെ ശ്രെദ്ധിച്ചിരുന്നു
“ നമ്മുടെ ഈ കുടുംബം ഇതുവരെ ഒരു കുടുംബ കലഹം ഇല്ലാതെ നല്ലത് പോലെ മുന്നോട്ടേക് പോയി . അതിന് ജഗദീശ്വരനോട് നന്ദി പറയുന്നു .
ദാസാ മൂത്തമകനായ നീ മറ്റൊരു വീട് വച്ച് മാറുന്നതിനെപ്പറ്റി ചിന്തിച്ചിട്ടുണ്ടോ “
എല്ലാവരും ഒന്ന് ചെറുതായി ഞെട്ടി
“ ഞാൻ ചിന്തിച്ചിട്ടുണ്ട് “
“ അച്ഛാ എനിക്കൊരു കാര്യം പറയാനുണ്ട്”
ചെറിയച്ഛൻ ഇടയ്ക്ക് കയറി പറഞ്ഞു
“ ഇത്രയും കാലം നമ്മുടെ ഈ കുടുംബം നല്ല സന്തോഷത്തോടെയാണ് കടന്ന് പോയിട്ടുള്ളത് , ഇനി എന്തായാലും അമ്മായി അമ്മ പോരോ , നാത്തൂൻ പോരോ ഇണ്ടാവാനും പോകുന്നില്ല .
പിന്നെ എന്തിനാ അച്ഛാ ഈ കുടുംബത്തെ കീറി മുരിക്കുന്നെ “
“ എനിക്ക് കീറി മുറിക്കാൻ ആഗ്രഹം ഉണ്ടായിട്ടല്ല, എന്റെ മക്കൾ എന്നും ഒന്നിച്ചുണ്ടാവാം എന്നാണ് എന്റെ ആഗ്രഹം പക്ഷെ നാട്ട് നടപ്പ് നോക്കണ്ടേ, കുടുംബത്തിന്റെ അംഗസംഖ്യ നോക്കണ്ടേ “
“ അച്ഛാ അതിന് നമുക്ക് ഈ വീട് അല്പം കൂടി വലുതാക്കിയാൽ പോരെ “
“ നീ എന്താ മോഹനാ ഈ പറയുന്നേ എത്ര കാലത്തേക്ക് . അപ്പുവിതാ വളർന്ന് വരുന്നു നാളെ അവന്റെ കല്യാണം കഴിയും അവന് കുട്ടികൾ ഉണ്ടാകും ഇവനൊക്കെ 2 ൽ നിർത്തുമോന്ന് ആരറിഞ്ഞു “
അച്ഛച്ഛൻ ചിരിച്ചുകൊണ്ട് അതിനിടയിൽ ചെറുതായിട്ടൊന്ന് കൊട്ടി
എല്ലാവരും എന്നെ നോക്കി ചിരിച്ചു
“ കുഞ്ചു നാളെ മറ്റൊരിടത്തേക്ക് പോകും എന്നാലും അവൾക്കും ഇല്ലേ ഇവിടെ ഒരു സ്ഥാനം.
പിന്നെ നിന്ടെ 2 എണ്ണം പീക്കിരികൾ ആണെങ്കിലും അവരും വളരുവാ അതിലൊന്ന് ആണും “
“ അതൊക്കെ ശെരിയ പക്ഷെ പിരിഞ്ഞ് ജീവിക്കുന്നതിനോട് എനിക്ക് താൽപര്യമില്ല “
അച്ഛമ്മ അതിനിടയിൽ കയറി