അതും പറഞ്ഞ് മറ്റൊരു കുല കൂടി അപ്പു കൊത്തി
“ ആ അത് അപ്പഴല്ലേ അതിന് ഇപ്പഴേ ഇതും ചിന്തിച്ച് നടക്കുകയ … കണ്ട കൂതറ ബുക്കും വായിച്ച് വൃത്തികേടും ചിന്തിച്ച് നടക്കുവാ പട്ടി ..”
അപ്പു ഒന്ന് പൊട്ടിച്ചിരിച്ചു
“ ഞാൻ എന്ത് വൃത്തികേടാ അമ്മു പറഞ്ഞേ എന്റെ പെണ്ണിനോട് ഭാവി കാര്യം പറയുന്നത് വൃത്തികേടാ “
എന്റെ പെണ്ണ് എന്ന് കേട്ടപ്പോൾ അമ്മുവിന് വല്ലാത്തൊരു സന്തോഷം തോന്നി .. അവൾ ഒന്ന് ചിരിച്ചു
“ അതൊക്കെ ഇപ്പഴേ ചിന്തിക്കുന്നത് മോശമാ അപ്പുവേട്ടാ “
“ ഒലക്ക നീ ഈ കത്തി പിടിച്ചേ”
അവൾക്കു നേരെ നീട്ടിയ വാ കത്തി അവൾ വാങ്ങി , അവൻ 2 കുലകളും എടുത്ത് വീട്ടിലേക്ക് നടന്നു. അതിൽ ഒന്ന് ജീപ്പിൽ കൊണ്ട്വച്ചു
കുറച്ചു നേരം കൂടി കഴിഞ്ഞപ്പോൾ വത്സലകുഞ്ഞമ്മ എല്ലാവരോടും യാത്ര പറഞ്ഞിറങ്ങി,
അവര് പോയി കഴിഞ്ഞ് അതുല്യയും അതുലും സ്കൂളിൽ നിന്നും തിരിച്ചെത്തി
“ അമ്മു ചേച്ചി”
“അതുമോളെ”
“ചേച്ചി എപ്പളാ വന്നേ”
“ഉച്ചയ്ക്കെത്തി അതുട്ടാ “
“ഒറ്റയ്ക്കണോ വന്നേ”
“’ അല്ലാ ‘അമ്മ ഉണ്ടായിരുന്നു …”
“എന്നിട് ചെറിയമ്മ എന്തിയെ “
“’അമ്മ ചെറിയച്ഛന്ടെ കൂടെ പോയല്ലോ”
“ അനിലേട്ടനും പോയോ “
“ഇല്ല അവൻ വന്നില്ല , അവൻ രാവിലെ സ്കൂളിൽ പോയി .. നിങ്ങള് വേകം ചായകുടിക്ക് നമുക്ക് കുളത്തിൽ കുളിക്കാൻ പോകാം “
“ആ പോകാം പോകാം ദേ പെട്ടന്ന് വരാവേ”
അവര് അടുക്കളയിലേക്ക് ഓടി
“ അപ്പുവേട്ടാ കുളിക്കാൻ കുളത്തി പോകാടാ “
അപ്പൊ ചെറിയൊരു സന്തോഷത്തോടെ
“ആ പോകാം “
“ഞാൻ പോയി കുഞ്ഞമ്മേനേം വിളിക്കട്ടെ “