അയിത്തം

‘ ഹ ഹ … അത് ഞങ്ങള് എളുപ്പത്തിൽ വിളിക്കുന്നതല്ലേ അമ്മെ …..എന്നിട്ടവൻ എന്തിയെ ?”

‘ നന്ദിനിയുടെ പുറകെ കാണും “

ഹേമ എഴുന്നേറ്റു അകത്തളത്തു നിന്ന് സോമന്റെ മുറിയിലേക്കിറങ്ങി

വിശാലമായൊരു ഹാൾ . മച്ചിട്ടിട്ടുണ്ട് . മുറിയുടെ ഒരു സൈഡിൽ വലിയൊരു കട്ടിൽ . അതിനെതിരെയുള്ള ഭിത്തിയോട് ചേർന്ന് പഴയ ഒരു മരക്കട്ടിൽ അതിൽ പുല്പായ തെറുത്തു വെച്ചിട്ടുണ്ട് . പിന്നെ മേശയും കസേരയും അതിനോട് ചേർന്ന് ഷെൽഫിൽ കുറച്ചു ട്രോഫികളും ബുക്കുകളും

‘ ആഹാ …ഒത്തിരി ട്രോഫികൾ ഒക്കെയുണ്ടല്ലോ “

” ഹ്മ്മ് …..അതവന് ഓട്ടത്തിനും ചാട്ടത്തിനും ഒക്കെ കിട്ടുന്നതാ ‘

ഹേമയുടെ പുറകെ ഇറങ്ങി വന്ന തമ്പുരാട്ടി പറഞ്ഞു .

എല്ലാം വൃത്തിയായി അടുക്കി വെച്ചിരിക്കുന്നു . മുല്ലപ്പൂവിന്റെ മണമുള്ള മുറി . ആ മണം ഹേമക്കു ഇഷ്ടമായി . എന്നാലും ആ രണ്ടു കട്ടിലും ..പിന്നെ ആ മണവും …..അവൾക്കു ഒന്നും പിടി കിട്ടിയില്ല

” നീയെന്തിനാ സോമന്റെ മുറിയിലേക്ക് കയറിയത് ..ഞാൻ പോലും ഇത്ര നാളായിട്ടു കയറിയിട്ടില്ല ‘

‘ അതെന്താ ..നിനക്കുമുണ്ടോ ഈ അയിത്തവും പുണ്ണാക്കുമൊക്കെ ?”

” അതോണ്ടല്ല ….ആയമ്മക്ക് ഇഷ്ടപെടില്ലെന്നു കരുതിയാ ‘

വീട്ടിലേക്കു നടക്കുന്നതിനിടെ അവർ പറഞ്ഞു .

……………………

കുറച്ചു ദിവസങ്ങള്‍ കഴിഞ്ഞപ്പോഴേക്കും ഹെമക്ക് തമ്പുരാട്ടിയും സോമനുമൊക്കെ നല്ല പരിചയം ആയി കഴിഞ്ഞിരുന്നു . വീട്ടിലേക്കു വേണ്ടുന്ന സാധനങ്ങള്‍ ഒക്കെ സോമനാണ് മേടിച്ചു കൊണ്ട് വന്നിരുന്നത്. ഹേമയുടെ താത്പര്യ പ്രകാരം ജയയും ഹേമയും കൂടെ അവനു മനസിലാവാത്ത പാഠഭാഗങ്ങള്‍ പറഞ്ഞു കൊടുക്കാന്‍ തുടങ്ങി . അപ്പോഴും വീടിന്റെ ഉമ്മറത്ത്‌ അവര്‍ ഇരിക്കും . നിലത്തു വാതില്‍ പടിയില്‍ അവനും

ആദ്യത്തെ എക്സാമിന് അവനായിരുന്നു സ്കൂളില്‍ ഫസ്റ്. അതിനുള്ള സന്തോഷം തമ്പുരാട്ടി പായസത്തിലൂടെ