Posted by എന്നാലും അവന്മാര്‍ മരിച്ചു എന്ന് ഉറപ്പാക്കിയിട്ടു കൊക്കയിലേയ്ക്ക് വിട്ടാല്‍ മതിയായിരുന്നു.
അത് ഓര്‍ത്ത് പേടിക്കേണ്ടാ അവന്മാര്‍ തിരിച്ചു വരില്ലാ….
വര്‍ക്കിച്ചന്‍ പറഞ്ഞു.
വാ നമ്മുക്ക് വേഗം പോകാം.
അവര്‍ വണ്ടിയില്‍ കയറി …
ജേക്കബ് എന്നാലും മനസില്ല മനസോടെ വണ്ടിയില്‍ കയറി.
വണ്ടിയില്‍ ഇടിച്ച ശക്തിയില്‍ ഡോര്‍ തുറന്ന് മൂന്നുപേരും തെറിച്ചു പോകുന്നത് കണ്ടപ്പോഴാണ് അവനു അങ്ങനെ തോന്നാന്‍ കാരണം.
ഇന്നത്തെ ആഘോഷം ഓര്‍ത്തപ്പോള്‍ അയാള്‍ പതിയ ആ ചിന്തകള്‍ വിട്ടു.
സമയം അഞ്ചരയായി. തോമാച്ചാ നീ അനിരുദ്ധന്‍റെ കൂടെ ചെല്ല് ആ ലോറി നമ്മുടെ ബംഗ്ലാവില്‍ കൊണ്ടിട്ട്, നേരെ അര്‍ജുനന്റെ വീട്ടിലേയ്ക്ക് ചെല്ല്. അവന്‍റെ പെണ്ണിനേയും മക്കളെയും കൊണ്ട് നേരെ നമ്മുടെ ബംഗ്ലാവില്‍ കൊണ്ടുപോയി കെട്ടിയിട്ടിട്ട് നേരെ പിള്ളയുടെ വീട്ടില്‍ വാ അവിടുത്തെ പരിപാടികള്‍ കഴിഞ്ഞിട്ട് മതി അര്‍ജുനന്റെ കണക്ക്. ഞങ്ങള്‍ അങ്ങോട്ട്‌ ചെന്ന് അവിടുത്തെ പരിപാടി തുടങ്ങട്ടെ. എന്ന് പറഞ്ഞ് അവര്‍ രണ്ടായി പിരിഞ്ഞു.
എന്തോ വന്നു വീഴുന്ന ശബ്ദം കേട്ട് ആളുകള്‍ ഓടികൂടി. മുകളില്‍ നിന്നും ഒരു കാര്‍ വന്നു വീണതാ …