Posted by “അവന്റെ കാര്യമൊക്കെ ഞാനും ഷീമേം കൂടി നോക്കിക്കോളാം…അവന്‍ മിടുക്കനല്ലേ” പണം കിട്ടിയ സന്തോഷമായിരുന്നു ആ പുകഴ്ത്തലിനു പിന്നില്‍.
“ചായ..” ഷീമ ആന്റി ഒരു ട്രേയില്‍ ചായയുമായി വന്നു.
“എന്തായാലും ഇക്കാക്ക ഇവനെ ഇവിടാക്കിയത് നന്നായി. ഞാന്‍ കച്ചോടത്തിന്റെ ആവശ്യത്തിന് ഇടയ്ക്കിടെ തമിഴ്നാട്ടിലും കര്‍ണാടകയിലും ഒക്കെ പോകാറുണ്ട്. വീട്ടില്‍ ഇവളും പിള്ളേരും തനിച്ചല്ലേ. ഇവനുള്ളതുകൊണ്ട് അവര്‍ക്കൊരു കൂട്ടുമായി” ചായ കുടിക്കുന്നതിനിടെ ഇക്ക പറഞ്ഞു.
ഷീമ ആന്റി തുടുത്ത മുഖത്തോടെ എന്നെത്തന്നെ സാകൂതം നോക്കുകയായിരുന്നു. ഒരു നൈറ്റി ധരിച്ചിരുന്ന ആന്റി തലയില്‍ ഒരു തട്ടവും ഇട്ടിരുന്നു. രണ്ട് പ്രസവിച്ചെങ്കിലും ആന്റിക്ക് പ്രായം ലേശം പോലും കൂടിയിട്ടില്ല എന്നെനിക്ക് തോന്നി. പണ്ട് കണ്ടതിനേക്കാള്‍ സൗന്ദര്യവും ചെറുപ്പവും കൂടിയിരിക്കുന്നു. ആന്റിയെ കുറിച്ച് അനാവശ്യ ചിന്തകള്‍ വേണ്ട എന്ന് ഞാനെന്റെ മനസ്സിനോട് പറഞ്ഞു.
“ഇവനെന്താ നാട്ടില്‍ വല്ല കുസൃതീം ഒപ്പിച്ചോ?” ഒരു കള്ളച്ചിരിയോടെ ആന്റി ചോദിച്ചു.
“കുറെ കൂട്ടുകാരുണ്ട്..അവന്മാരുടെ കൂടെക്കൂടി പിഴച്ചു പോകും എന്ന് പേടിച്ചാ കൊച്ചെ ഞാനിവനെ ഇവിടാക്കിയത്. ഇവിടാകുമ്പോള്‍ തൊട്ടടുത്ത് വീടുകള്‍ അധികം ഇല്ലാത്തത് കൊണ്ട് അടങ്ങി ഒതുങ്ങി വീട്ടില്‍ ഇരുന്നോളും” വാപ്പ എന്നെ രൂക്ഷമായി നോക്കി പറഞ്ഞു.
“നീ പ്ലസ് ടുവിന് മാത്ത്സ് അല്ലെ പഠിച്ചത്?” ആന്റി എന്നോട് ചോദിച്ചു.
“അതെ ആന്റീ”
“മുനീറയും മാത്ത്സ് ആണ് എടുത്തിരിക്കുന്നത്. പെണ്ണിന് ഒട്ടും ബുദ്ധിയില്ല പഠിക്കാന്‍. നീ അവള്‍ക്ക് വല്ലതും പറഞ്ഞുകൊടുക്കണം. ഇവിടെ അടുത്തെങ്ങും ട്യൂഷനും ഒരാളെ കിട്ടാനില്ല”
ഞാന്‍ തലയാട്ടി.
“അത് ചോദിക്കാന്‍ മറന്നു..പിള്ളേര്‍ എപ്പോള്‍ വരും?” വാപ്പ ചോദിച്ചു.
“നാലുമണി കഴിയും..”
“ഓ, അത്ര വരെ കാക്കാന്‍ പറ്റില്ല. എനിക്ക് നേരത്തെ അങ്ങ് ചെന്നിട്ട് ഒരാവശ്യമുണ്ടായിരുന്നു” വാപ്പ പറഞ്ഞു. ചോറൊക്കെ ഉണ്ട ശേഷമാണ് വാപ്പ പോയത്.