Posted by അന്ന് റെനീഷ ബിടെക് ഫൈനലിയർ വിദ്യാർഥിനിയായിരുന്നു . 22 വയസ് .
ഉപ്പ ഷാജഹാൻ്റെ പുന്നാര പാത്തുമ്മയാണ് റെനീഷക്കുട്ടി. വീട്ടിൽ വാപ്പ അവളെ വിളിക്കുന്ന പേരാണ് പാത്തൂട്ടി എന്ന് . മോനായ റെയ്ഹാനേക്കാൾ ഷാജിക്ക് ഇഷ്ടം മോളായ റെനീഷയോടായിരുന്നു .
മകൻ റെയ്ഹാനെ കുറിച്ച് പറയുകയാണെങ്കിൽ വാപ്പയുടെ പേരിൽ ഷോ കാണിച്ച് വിലസുന്ന ഒരു സ്വയം പൊങ്ങി വാണച്ചെക്കൻ . ഈ കാലത്തെ ന്യൂജൻ ചെറുപ്പക്കാരെ പോലെ ജാക്ക് and ജിൽ ആയിട്ട് നടക്കുന്ന ഒരു 2007 മോഡൽ ഫുണ്ട . അതാണ് റെയ്ഹാൻ .
മെല്ലിച്ച് സീറോ സൈസ് ബോഡിയുള്ള വെളുത്ത ഒരു സുന്ദരൻ വായി നോക്കി . വാപ്പയുടെ ബലത്തിൽ ചുമ്മ അനാവശ്യ ഏണികളെടുത്ത് തലയിൽ വെക്കുക , കച്ചറ റീൽസുകളെടുത്ത് ആളാവുക , പ്ലസ്ടു സപ്ലി എഴുതി എടുക്കാതെ വാപ്പ എടുത്തു കൊടുത്ത കെ ടി എം ബൈക്കിൽ ചുമ്മ കറങ്ങി നടക്കുന്ന ഒരു അലവലാതി . പത്തൊൻപത് വയസായിട്ടും ചെറുക്കൻ ലൈസൻസ് വരെ എടുത്തിട്ടില്ല . പോരാത്തതിന് തോള് വരെ നീട്ടി വളർത്തിയ അവൻ്റെ സ്ട്രേറ്റൻ മുടിക്ക് ഹെൽമെറ്റും അലർജിയായിരുന്നു .
ഹെൽമെറ്റും ലൈസൻസുമില്ലാതെ ചെറുക്കനെ ഒരു ഇരുപത്തിയഞ്ചിൽ കൂടുതൽ തവണയെങ്കിലും പോലീസ് പിടിച്ചിട്ടുള്ളതാണ് . എന്നാൽ മൂർഖൻ ഷാജിയുടെ മോൻ ആണെന്നുള്ള പേടിയിൽ ഏമാൻമാർ കണ്ണടച്ച് ഫൈൻ ഒഴിവാക്കി അവനെ ഉപദേശിച്ച് വിടലായിരുന്നു പതിവ് .
അവൻ ഒപ്പിക്കുന്ന വാണത്തരങ്ങൾ നാട്ടുകാരും കണ്ടില്ലെന്ന് നടിച്ചു . ചെറുക്കനെ എങ്ങാൻ ചോദ്യം ചെയ്താൽ പിന്നെ ഏലക്കരയിൽ നിന്നും കട്ടേം പടവും മടക്കാം എന്ന ചിന്ത പ്രദേശവാസികൾക്കെല്ലാം ഒരേപോലെ ഉണ്ടായിരുന്നു . അതുകൊണ്ട് വലിയ വലിയ ചട്ടമ്പിമാർ പോലും അവൻ്റെ ഊളത്തരങ്ങൾക്ക് ചൂട്ടുപിടിക്കാൻ ബാധ്യസ്ഥരായി മാറി .