🔥ഏദൻ തോട്ടത്തിന്റെ കാവൽക്കാരൻ 13🔥[സഞ്ജു സേന]

ഞാൻ ഇറങ്ങി ചെല്ലുന്നതു കണ്ടു കത്രീന വലിച്ചു കൊണ്ടിരുന്ന സിഗരറ്റ് നിലത്തേക്കിട്ടു ചവിട്ടി ക്കെടുത്തി ..

”നമ്മളോടൊപ്പം നിൽക്കാമെന്നാണ് പറയുന്നത് ”

”പഠിച്ച കള്ളിയാണവൾ ,..”

”പക്ഷെ കത്രീന ചേച്ചി .,വൈത്തിക്ക് പിന്നാലെ ഇവളും മിസ്സായാൽ ..”

”അതും ശരിയാണ് ,ഏതായാലും അവള് വാക്ക് മാറ്റാതിരിക്കാൻ ഒരുറപ്പിനു ആ പെങ്കൊച്ചു നമ്മുടെ കസ്റ്റഡിയിൽ തന്നെ കുറച്ചു ദിവസം കഴിയട്ടെ ..”

”ചേച്ചി അതിനെകണ്ടിട്ടു പാവം തോന്നുന്നു ,വിട്ടേക്ക് ..”

”ഈ പ്രായത്തിൽ അങ്ങനെയൊക്കെ തോന്നും അർജുൻ ,കാര്യമാക്കേണ്ട ..പിന്നെ ഞാനൊഴികെ വേറെയാരും അവളുടെ ദേഹത്ത് തൊട്ടിട്ടില്ല ,ഇനി തൊടുകയുമില്ല പോരെ …”

”അത് മതി ..പിന്നെയാ കുട്ടിയുടെ ഡ്രെസ്സൊക്കെ …”

”അതൊക്കെ ഞാൻ നോക്കിക്കൊള്ളാമെടാ ,….മനോജേ …..”’

കത്രീന വാത്സല്യപൂർവ്വം തലമുടിയിൽ ഒന്ന് തലോടി മനോജിനെ വിളിച്ചു …അയാൾ ചെക്കന്മാരുമായുള്ള സംസാരം നിർത്തി ഞങ്ങളുടെ അടുത്തേക്ക് വന്നു ..

………………………………………………………………………………………………………………………………………………………………..

ട്രാവലർ നീങ്ങിയപ്പോൾ ഒന്നുമറിയാത്ത ആ പെൺകുട്ടിയെ ഓർത്തു സങ്കടം തോന്നാതിരുന്നില്ല ,പാവം ഈ കളികൾക്കിടയിൽ വന്നു പെടാൻ എന്ത് പാപമാണോ അത് മുജ്ജന്മങ്ങളിൽ ചെയ്തു കാണുക? ..ആ വേറെ വഴിയില്ല .. ഒരിക്കൽ കൂടി ഷൈനിയെയും കൊണ്ട് പാളം മുറിച്ചു കടന്നു പോകുന്നത്റിസ്‌ക്കാണെന്ന് ആകാശ് സൂചിപ്പിച്ചപ്പോൾ വാസുകിയോടു കാറുമായി വരാൻ പറഞ്ഞു ലൊക്കേഷൻ പറഞ്ഞു കൊടുത്തു ..

”ആകാശ് നീ പോയി പ്രിയയെയും സമീറയെയും കൂട്ടി നേരത്തെ നിന്ന ടീ സ്റ്റാളിനു അടുത്തേക്ക് പൊയ്ക്കൊള്ളൂ ,ഇപ്പോൾ നമ്മൾ രണ്ടു മൂന്നു തവണയായില്ലേ അവിടെ പോകുന്നു ,അത് കൊണ്ട് കാറ് അകത്തേക്ക് കൊണ്ട് പോകാതെ മരങ്ങൾക്കിടയിൽ പാർക്ക് ചെയ്‌താൽ മതി ,ഞാൻ ഇവരെയും കൊണ്ട് അങ്ങെത്തിക്കൊള്ളാം …”

”ആ ലേഡി വരുന്നത് വരെ ഞാൻ വെയിറ്റ് ചെയ്യാം ..”

”വേണ്ടെടാ ,സമയം ഇപ്പോൾ തന്നെ വൈകി ,നീ വിട്ടോ ”

ആകാശിനെ പറഞ്ഞു വിട്ടു ,ഷൈനിയുടെ അടുത്തേക്ക് ചെന്നു , തലയ്ക്ക് കൈകൊടുത്തു തറയിൽ കുത്തിയിരുന്ന അവർ എന്റെ ഷൂവിന്റെ ശബ്ദം കേട്ട് പ്രതീക്ഷയോടെ തലയുയർത്തി നോക്കി ..അവിടെ തന്നെയിരിക്കാൻ ആംഗ്യം കാണിച്ചു ഞാൻ റോഡിനടുത്തേക്ക് ചെന്ന് വാസുകി വരുന്നതും നോക്കി അക്ഷമനായി നിന്നു ..