🔥ഏദൻ തോട്ടത്തിന്റെ കാവൽക്കാരൻ 13🔥[സഞ്ജു സേന]

പ്രതീക്ഷയിൽ റഷീദ് സാറും ..

”വൈത്തി റഷീദ് സാറിന്റെ ഭാര്യയെ ? ഛെ ….. അറിഞ്ഞിട്ടും പ്രതികരിക്കാതെ ..അങ്ങേരെന്തു മനുഷ്യനാണ് ?”

”പുറത്തു നിന്ന് പറയാൻ എളുപ്പമാണ് അർജുൻ ,പക്ഷെ ….ഒരാവേശത്തിൽ രണ്ടും കൽപ്പിച്ചു റഷീദ് സാറിന് വേണമെങ്കിൽ ..കയ്യിൽ സർവീസ് പിസ്റ്റളുണ്ട് ? പക്ഷെ അതിനു മുന്നേ പന്ത്രണ്ടും എട്ടും , അഞ്ചും വയസ്സുള്ള മൂന്നു പിഞ്ചുമക്കളെ കഴുത്തു ഞെരിച്ചു കൊല്ലേണ്ടി വരും ..അല്ലെങ്കിൽ സാറും ഭാര്യയും മാത്രമല്ല ആ കുഞ്ഞുങ്ങൾ കൂടി കൊല്ലാകൊല ചെയ്യപ്പെടും …ഒരു ഡി വൈ എസ് പി യൊന്നും അവരുടെ സ്വാധീനത്തിനു മുന്നിൽ ഒന്നുമല്ല ”

ശരിയാണ് ഗ്രൗണ്ടിന് പുറത്തു നിൽക്കുന്നവന് അഭിപ്രായം പറയാം കുറ്റപ്പെടുത്താം പക്ഷെ ഉള്ളിൽ നിൽക്കുന്നവന് അതാകില്ല , ജയിച്ചാൽ ആഘോഷിച്ചു കൂടെ കൂടുന്ന ആൾക്കൂട്ടം പക്ഷെ പരാജയപ്പെട്ടാൽ പരിഹസിച്ചു പവലിയൻ വിട്ടു പോകും ,,കരയാൻ കളിക്കളത്തിൽ നിൽക്കുന്നവൻ മാത്രമേ ഉണ്ടാകു .. അത് കൊണ്ട് തന്നെ കൂടുതൽ ചോദ്യങ്ങൾക്ക് നിന്നില്ല …… സമ്പത്തും അധികാരവും സംഘബലവും ഉള്ളവന് മുന്നിൽ നിയമം പോലും നിസ്സഹായരായ ഈ കാലത്തു ആ കുഞ്ഞുങ്ങളുടെ വിധിയറിയാൻ കൂടുതൽ ആലോചിക്കേണ്ട കാര്യമില്ലല്ലോ എനിക്ക് ..

”അത് സമീറയാണെന്നു തോന്നുന്നു ”

പ്രിയ പറഞ്ഞത് കേട്ട് നോക്കുമ്പോൾ ഗേറ്റ് നു എതിർവശത്തു ഒരു ബൈക്ക് വന്നു നിന്നു ,അതെ അവള് തന്നെയാണ് ,ആകാശ് രണ്ടു തവണ ലൈറ്റ് കത്തിച്ചും അണച്ചും സിഗ്നൽ തന്നതോടെ ഞാൻ വലതു വശത്തെ ഇൻഡിക്കേറ്റർ തെളിച്ചു അവനു മറുപടി കൊടുത്തു ..

”ഹായ് ,……”

അവൾ ദൂരെ നിന്നെ കൈ ഉയർത്തി കാണിച്ചു , പിറകിൽ നിന്നുള്ള ബൈക്ക് ന്റെ ലൈറ്റിൽ അവളങ്ങനെ അടുത്തേക്ക് വരുമ്പോൾ ഒരു സിനിമ വിഷ്വൽ കാണുന്ന പോലെയുണ്ട് . ,ഇടത്തെ കയ്യിലെന്തോ തോക്കി പിടിച്ചിട്ടുണ്ട് ,അതായിരിക്കും സരോജം പറഞ്ഞ ബാഗ് ..പാവം ബൈക്കിൽ നിന്നിറങ്ങി തിരക്കിട്ടു നടന്നത് കൊണ്ട് അടുത്തെത്തിയപ്പോഴേക്കും നന്നായി കിതയ്ക്കുന്നുണ്ട് ,കിതപ്പിനൊത്തു ഉയർന്നു താഴ്ന്ന മാറിടങ്ങൾ ,ഒരു നിമിഷം ഞാൻ അവളെ തന്നെ നോക്കി നിന്ന് പോയി , നീല ചുരിദാറിൽ സമീറ ഒന്നുകൂടി സുന്ദരിയായിട്ടുണ്ട് ..

”രാത്രി പരിചയമില്ലാത്ത ആളുടെ കൂടെ പോരാൻ കല്യാണിയമ്മ സമ്മതിച്ചില്ല ,അതാ വൈകിയത് , പിന്നെ അർജുന്റെ അമ്മായി അറിയുമോന്നും അവർക്കൊരു പേടി .പേടിക്കേണ്ട കൂടെ വരുന്നത് അർജുന്റെ അടുത്ത കൂട്ടുകാരനാണ് എന്നൊക്കെ ഒരു വിധം പറഞ്ഞു ബോധ്യപ്പെടുത്തി സമ്മതം വാങ്ങി ഇറങ്ങുമ്പോൾ സമയം വൈകി ,പിന്നെ അർജുൻ നിന്റെ ചെറിയമ്മായിയുടെ കാര്യത്തിൽ എനിക്കും ചെറിയ പേടിയുണ്ട് ,ഇറക്കി വിടുന്നതിനെ കുറിച്ചല്ല , അവരെന്നെ ഒരു മോശക്കാരി പെണ്ണായി കരുതുമല്ലോ എന്നോർത്താണ് ”

” അക്കാര്യം പേടിക്കേണ്ട ,ഞാൻ നോക്കിക്കൊള്ളാം ,എന്റെ കൂടെയല്ലേ വന്നത് …”

‘എന്നാലും ഈ സമയത്തു ?”

”പറഞ്ഞില്ലേ അത് ഞാൻ നോക്കിക്കൊള്ളാം പെണ്ണെ ,നീയാദ്യം കിതപ്പ് മാറ്റ് ..ഇന്നാ വെള്ളം വേണമെങ്കിൽ ”

ഞാൻ കയ്യിലിരുന്ന കുപ്പി അവൾക്ക് നീട്ടി ..

”അർജുൻ ,സമയം പോകുന്നു ..”