കാക്ക കുയില്‍ [മന്ദന്‍ രാജ]

Posted by

കാക്ക കുയില്‍

KakkaKuyil bY മന്ദന്‍ രാജ

ശ്യാമേ …..ഒരു വീട് റെഡിയായിട്ടുണ്ട് കേട്ടോ …ഇന്ന് വൈകുന്നേരം പോയി നോക്കാം ‘

‘ ഒത്തിരി ദൂരമുണ്ടോ ജയചേച്ചി ?”

” ഏയ് …ഇവിടുന്നു രണ്ടു കിലോമീറ്റർ , നിനക്ക് വണ്ടി ഉള്ളത് കൊണ്ട് രണ്ടു മിനുട്ടു പോലും വേണ്ടല്ലോ “

” ഓ ..താങ്ക്സ് ചേച്ചി . വീടൊന്നും കാണണമെന്നില്ല ….പിന്നെ അവർക്കു എന്നെ ബോധ്യപ്പെടണമല്ലോ ..പറ്റൂങ്കിൽ നാളെ ശനി അല്ലെ ..നാളെ തന്നെ മാറാം “

” അയ്യോ എനിക്ക് നാളെ സൗകര്യമില്ലല്ലോ ശ്യാമേ …ഇന്ന് എന്റെ വീട്ടിലേക്കാ …ഞാൻ അവരെ വിളിച്ചു തരാം ..നീ സംസാരിക്ക് “

ജയ അവരെ വിളിച്ചു കാര്യങ്ങൾ പറഞ്ഞതിന് ശേഷം ശ്യാമിന് കൊടുത്തു ..അവർ ഒകെ പറഞ്ഞതിനാൽ നാളെ തന്നെ അങ്ങോട്ട് മാറാൻ തീരുമാനമായി

ശ്യാം സ്വിഫ്‌റ് കാർ ഗേറ്റിനു മുന്നിൽ നിർത്തി , ഗേറ്റു തുറന്നു അകത്തേക്ക് കയറി .

കുഴപ്പമില്ല , ഒരു കൊച്ചു ഇരുനില വീട് . വീടിന്റെ വലതു വശത്തു കൂടെ മുകളിലേക്ക് സ്റ്റെപ് ഉണ്ട് . അതിലെ ആവും തന്റെ വഴി . പുതിയ വീടാണെന്ന് തോന്നുന്നു .

” ചേച്ചി ..ചേച്ചി ..’ വിളിച്ചിട്ടും ബെല്ലടിച്ചിട്ടും അകത്തു അനക്കമൊന്നുമില്ല .

ശ്യാം വരാന്തയിൽ ഇരിക്കാൻ തീരുമാനിച്ചു .

!! ഛെ !! ജയചേച്ചിയുടെ കയ്യിൽ നിന്ന് അവരുടെ ഫോൺ നമ്പർ മേടിക്കാനും മറന്നു !!

ശ്യാം ഫോണെടുത്തു ജയയെ വിളിക്കാൻ തുടങ്ങിയതും ഗേറ്റു തുറന്നു ഒരു സ്ത്രീ അകത്തേക്ക് വന്നു .

കയ്യിലിരിക്കുന്ന ബിഗ് ഷോപ്പറിൽ ചെറിയ കടലാസ്സ് കവറുകളും മുരിങ്ങാക്കോൽ പൊങ്ങി നിൽക്കുന്നത് കൂടി കണ്ടപ്പോൾ മനസിലായി അവർ മാർക്കറ്റിൽ പോയിട്ട് വരുവാണെന്ന്

ശ്യാമിനെ കണ്ടതേ അവരൊന്നു ചിരിച്ചു

‘ ശ്യാമല്ലേ ? ഇത്ര നേരത്തെ വരൂന്ന് കരുതിയില്ല …ഞാൻ താക്കോലിപ്പോ തരാട്ടോ “

ശ്യാം പുഞ്ചിരിച്ചതേയുള്ളൂ . പെട്ടന്ന് തന്നെ അവർ താക്കോലുമായി വന്നു അവനു മുൻപിൽ മുകളിലേക്കുള്ള സ്റ്റെപ് കയറാൻ തുടങ്ങി

Leave a Reply

Your email address will not be published. Required fields are marked *