“എത്രയായി ഇങ്ങനെ നമ്മൾ ഇരുന്നിട്ട്?”
“ അതേ കുറേ ആയി അല്ലേ?”
“നീ ഇപ്പോ കമ്പ്യൂട്ടർ സെന്ററില് പോകും ഞാൻ അധികവും അപർണ്ണയുടെ അടുത്തും”
“ഇന്ന് ഞാൻ നേരെത്തെ വന്നു, ബസ് ഇല്ലാത്തത് കൊണ്ട് പെണ്ണ് ഇന്ന് കോളേജിൽ പോയില്ല, അപ്പോ അവള് നേരെ ഷോപ്പ്ലോട്ട് വന്നു അന്നേരം ഞാൻ ഇങ്ങോട്ട് വന്നു”
“എന്താ ബസ്സിന്റെ പ്രശ്നം ചെക്കനും വന്നിട്ടുണ്ട്”
“ഏതോ ബസ്സിനു രാത്രി കല്ലെറിഞ്ഞു, എറിഞ്ഞവരെ പിടിച്ചാലെ ഇനി ബസോടും പോലും, അപർണ്ണയും മോനും വന്നിനോ?”
“ഇല്ല ഇവൻ മാത്രേ ഉള്ളൂ.”
“നിങ്ങള് ചോറ് തിന്നോ?”
“ഇത്ര നേരെത്തെയൊ?, ഓൻ കിടന്നു ഉറങ്ങുന്ന”
“നീ തിന്നോ?”
“ഇല്ല സമയം അത്രയെല്ലേ ആയിട്ടുള്ളൂ”
നീ ഇങ്ങോട്ട് ഇരിക്ക് കുറേ ആയില്ലേ തലയൊക്കെ നോക്കിയിട്ട്.. പേന് നിറഞ്ഞിട്ടുണ്ടാകും.
“പോ ചേച്ചി ഞാൻ ഇപ്പോ ഷാംപൂ ഒക്കെ ഇടുന്നുണ്ട്..”
“അത് കാണാനുണ്ട് മുടി ചെമ്പിച്ചു ഒരു കോലമായിട്ടുണ്ട്”
“എണ്ണയൊന്നും തേക്കാന് സമയം കിട്ടുന്നില്ല അതാ, പിന്നെ ചേച്ചി എന്താ വിശേഷം.”
ചേച്ചി കല്യാണത്തിന് ഷാംപൂ ഒക്കെ ഇട്ട് മുടി പാറിച്ച് നല്ല സുന്ദരിയായി സാരി ഉടുത്തിട്ട് ആണെല്ലോ വന്നിന്..?”
“അത് അപർണ്ണ ഇങ്ങനെ നിർബന്ധിച്ച് ഓരോന്ന് ചെയ്യിച്ചതാ”
“അതിനെന്താ നല്ല കാര്യമല്ലേ?”
“നല്ല കാര്യം തന്നെ, അവിടെയുള്ള എല്ലാവരും എന്നെ തന്നെ നോക്കുന്നത് പോലെ തോന്നി.”
“അത് പിന്നെ സുന്ദരികളെ കണ്ടാൽ ആൾക്കാർ നോക്കില്ലെ? പിന്നെ ഏട്ടൻ എന്ത് പറഞ്ഞു?”
“ഏട്ടൻ ഇനി എന്നോട് ഇങ്ങനെ ഒരുങ്ങി നടക്കാൻ പറഞ്ഞു..”
“ഹമമ്.. മോനെന്ത് പറഞ്ഞു?”
“അമ്മ നല്ല സുന്ദരിയായിട്ടുണ്ടെന്ന്”
“പിന്നെ എന്താ വേണ്ടത്? അപ്പോ എല്ലാവരും നല്ലത് തന്നെയാ പറഞ്ഞത്.. അപ്പോൾ ഇനി അത് പോലെ ഒന്ന് ഒരുങ്ങി നടന്നോ”. ഇതെന്താ ഇവര് നാട്ടുകാര്യങ്ങളും പരദൂഷണവും ഒന്നും പറയുന്നില്ലേ? വെറുതെ ഈ ചൂടത്ത് ഞാൻ ഇവിടെ ഇരിക്കണോ? എണീറ്റ് പോയാലോ എന്നു വിചാരിച്ചപ്പോൾ ആണ് ഷീബേച്ചി “പിന്നെ വേറെ എന്താ വിശേഷം?” എന്നു ചോദിക്കുന്നത് കേട്ടത്.
“പിന്നെ വേറെ എന്ത്.. ആ…. എടീ പിന്നെ സംഭവമുണ്ടായി” അമ്മ കുറച്ചു ശബ്ദം കുറച്ചു രഹസ്യം പറയുന്നത് പോലെ പറഞ്ഞു തുടങ്ങി എന്നാലും എനിക്ക് കേൾക്കാം.