രതിശലഭങ്ങൾ ലവ് ആൻഡ് ലൈഫ് 2
Rathishalabhangal Love and Life Part 2 | Author : Sagar Kottapuram
Previous Part
ആ സമയത്തു ഞാൻ ശ്യാമിന്റെ കാൾ വന്നതോടെ അവനുമായിട്ട് സംസാരിച്ചിരിക്കുവായിരുന്നു .
“നാളെ വരാം മൈ ….അല്ല…ശ്യാമേ …”
റോസിമോള് മടിയിലിരിക്കുന്ന കാരണം പറയാൻ വന്നത് പെട്ടെന്ന് വിഴുങ്ങികൊണ്ട് ഞാൻ ഒന്ന് നാവുകടിച്ചു . ഇനി അതൊക്കെ പെണ്ണ് പഠിച്ചു വെച്ചാൽ എന്നെ നാറ്റിക്കും !
പക്ഷെ ആ സമയത് ഐസ് ക്രീമിൽ മാത്രമായിരുന്നു അവളുടെ ശ്രദ്ധ .
“വന്നാൽ നിനക്കു കൊള്ളാം..അല്ലെങ്കിൽ ഒരു ഡീല് പോയിക്കിട്ടും..അത്രേ ഉള്ളു ”
ശ്യാം തീർത്തു പറഞ്ഞുകൊണ്ട് ചിരിച്ചു .
“ഹ്മ്മ് …കിഷോർ എന്തിയേ?”
ഞാൻ മൂളികൊണ്ട് പതിയെ തിരക്കി .
“ജഗത്തിന്റെ കൂടെ പോയി ..ടാക്സ് ന്റെ ഓഫീസിലോട്ടാണെന്നു തോന്നുന്നു ..”
ശ്യാം ഗൗരവത്തിൽ പറഞ്ഞു .
“ഹ്മ്മ്..എന്ന നീ വെച്ചോ..നാളെ വന്നിട്ട് വിസ്തരിച്ചു പറയാം…”
പെണ്ണിന്റെ ഐസ് ക്രീം തീറ്റ കഴിയാറായതോടെ ഞാൻ വേഗം സംസാരം അവസാനിപ്പിച്ചു.
“ചാച്ചന് വേനോ ?”
ഐസ് ക്രീമിന്റെ പാത്രത്തിൽ വിരലിട്ടു നക്കികൊണ്ട് റോസ്മോൾ എന്നെ മുഖം ഉയർത്തി നോക്കി .
“വേണ്ടാ ഹ്ഹ …”
ഞാൻ സ്വല്പം നീട്ടിപ്പറഞ്ഞുകൊണ്ട് ചിരിച്ചു .
“ഛീ …ഡീ ആള്ക്കാര് കണ്ട ചീത്ത പെണ്ണാണെന്ന് പറയും ട്ടാ …
ഇങ്ങനെ ഒന്നും കാണിക്കാൻ പാടില്ല ..അയ്യേ ”
അവള് പാത്രം വടിച്ചു നക്കുന്നത് കണ്ടു ഞാൻ പെണ്ണിന്റെ കൈ പിടിച്ചു വെച്ചു.
“പൊന്നു നല്ലതാ …”
അതുകേട്ടു പെണ്ണ് ഗമയിൽ എന്നെ നോക്കി .
“ഉവ്വ …കണ്ടാലും മതി ..ഒക്കെ വാരിത്തേച്ച് വെച്ചിട്ട് …”
ഞാൻ ചിരിച്ചുകൊണ്ട് അവളുടെ ചുണ്ടും വശങ്ങളും ഒരു ടിഷ്യു പേപ്പർ എടുത്തു തുടച്ചു .
“ഇനീം ചാച്ചാ ..”
ഞാൻ തുടക്കുന്നത് തടഞ്ഞു അവള് എന്നെ നോക്കി .
“രണ്ടെണ്ണം ആയില്ലേ ? അതൊക്കെ മതി …അങ്ങോട്ട് നടന്നേ ”
ഞാൻ അവളെ എന്റെ മടിയിൽ നിന്നും താഴേക്കിറക്കികൊണ്ട് ചിരിച്ചു .
“എന്താ ചാച്ചാ ..പീഷ് .”