മസാജ് പാർലറിൽ ഒരു ദിനം
(ആൽബി)
Massage Parloril Oru Dinam Aurhor : Alby
???????നമ്മുടെ സൈറ്റിൽ രണ്ടു വർഷം പൂർത്തിയാക്കുന്ന രാജ സാറിന് എന്റെ മനസ്സിന്റെ അടിത്തട്ടിൽ നിന്നും ഈ സമ്മാനം സമർപ്പിക്കുന്നു.ഇനിയും ഞങ്ങൾക്കായി എഴുതുക. ആശംസകൾ….???????
ഡിസംബർ മാസത്തിലെ ഒരു പ്രഭാതം.കൊച്ചിയിലെ തന്റെ ഫ്ലാറ്റിൽ മൂടിപ്പുതച്ചുറങ്ങുകയായിരുന്നു ബിപിൻ.രാവിലെ നിർത്താതെയുള്ള ഫോണിന്റെ മണിയടി കേട്ടാണ് അവൻ കണ്ണുതുറന്നത്. അവൻ കട്ട് ചെയ്തു തിരിഞ്ഞുകിടന്നു. വീണ്ടും മണിയടിശബ്ദം കേട്ട അവൻ മറുതലക്കൽ ഉള്ളവനെ പ്രാകിക്കൊണ്ട് ഫോൺ ചെവിയോട് ചേർത്തു.ഉറക്കച്ചടവിലും അവൻ മറുതലക്കലെ ശബ്ദം തിരിച്ചറിഞ്ഞു. സുമതി, തന്റെ അമ്മ
:മോനെ ബിപി നിനക്കിനീം എണീക്കാറായില്ലേ. അതെങ്ങനാ മൂട്ടിൽ വെയിലടിക്കാതെ എന്റെ കുട്ടി എണീക്കില്ലല്ലോ
:അമ്മാ, എണീറ്റതാ അമ്മ. വീണ്ടും കിടന്നു.ഇന്നലെ ടൂർ കഴിഞ്ഞു വന്നു കിടന്നപ്പോൾ ലേറ്റ് അയമ്മ അതാ
:മ്മം, നിന്റെ കറക്കം ഇത്തിരി കൂടുന്നുണ്ട്. രണ്ടീസം ആയി എന്റെ കുട്ടി ഒന്നു വിളിച്ചിട്ട്. അച്ഛൻ വിളിച്ചപ്പോഴും ചോദിച്ചു
:എപ്പോഴും ഇല്ലല്ലോ അമ്മാ. വല്ലപ്പോഴും അല്ലെ. ഫ്രണ്ട്സ് നിർബന്ധിക്കുമ്പോൾ എങ്ങനാ പോകാതിരിക്കുക. അച്ഛനോട് പറയല്ലേ
:മ്മ്, ആലോചിക്കട്ടെ.പിന്നെ നേരം പോലെ ഇറങ്ങു. എന്റെ കുട്ടിയെ ഒന്നു കണ്ടിട്ട് കുറച്ചായി.ഞാൻ വക്കുവാ ആ വടക്കേതിൽ വരെ ഒന്നു പോകണം
:ഈയാഴ്ച്ച വരാം അമ്മേ, ഉമ്മ. അവൻ ഫോൺ കട്ട് ചെയ്തു.
ബിപിൻ രാജ്., രണ്ടാം വർഷ എം സി എ വിദ്യാർത്ഥി ആണു. പ്രവാസിയായ രാജ് മോഹന്റെയും, ബാങ്ക് മാനേജർ ആയ സുമതിയുടെയും ഏക മകൻ.വീട്ടിൽ ഇട്ടുമൂടാനുള്ള വസ്തുവകകൾ. അനന്തപുരി സ്വദേശം ആയ അവൻ പഠനത്തിന്റെ ഭാഗമായി കൊച്ചിയിൽ ആണു താമസം.
ഉറക്കം നഷ്ടപ്പെട്ട അവൻ ഭിത്തിയിൽ ചാരിയിരുന്ന് അതുവരെ വന്ന വാട്സാപ്പ്, ഫേസ് ബുക്ക് മെസ്സേജുകൾ നോക്കിത്തുടങ്ങി. ഓരോരുത്തർക്കും ആയി മറുപടി കൊടുത്ത് അവൻ ഫോൺ കട്ടിലിൽ ചാർജ് ചെയ്യാനിട്ടിട്ട് കുളിക്കാൻ കയറി. പ്രഭാതകർമങ്ങൾ ചെയ്തു വന്ന അവൻ ഫോൺ എടുത്ത് പുതിയ മെസ്സേജുകൾക്കായി പരതി. അതിൽ ഒരു അപരിചിത നമ്പറിൽ നിന്നും ഒരു മെസ്സേജ് അവൻ കണ്ടു. അവനത് വായിച്ചുപോലും നോക്കാതെ ബാക്ക് ചെയ്തു.
സമയം പത്തോടടുത്തിരുന്നു. പെട്ടെന്നുതന്നെ റെഡിയായി അവൻ തന്റെ ഡ്യൂക്ക് എടുത്തിറങ്ങി. നേരെ പോയത് കുഞ്ഞനന്തന്റെ ഹോട്ടലിലേക്ക് ആയിരുന്നു. അവിടെയാണ് ആഹാരകാര്യങ്ങൾ. അവിടുന്നൊരു ദോശയും കഴിച്ച് കോളജിലേക്ക് വിട്ടു.